खोज

नवलपुर, ११ असार ।

पूुर्वी नवलपरासीको कावासोती नगरपालिकामा दश करोडको लागतमा चार वर्ष अघि निर्माण शुुरु भएको वडा नं. ३ ,४ र ५ जोडने केरुङ्गे खोलाको पक्की पुुल निर्माण सम्पन्न हुन नसक्दा स्थानीयले सास्ती व्यहोर्दै आएका छन् ।

सदरमुुकाम कावासोतीको केरुङ्गे खोलामा निर्माणाधीन पक्की पुल निर्माण अलपत्र पारेर तीन वर्षदेखि बेपत्ता ठेकेदारको अहिले खोजी सुरु भएको छ ।

चार वर्ष अघि एडभेन्चर कन्स्ट्रक्सन प्रालिलाई ठेक्का दिइएको सो पक्की पुुल शुुरुको एक वर्ष काम भए पनि तीन वर्षदेखि भने पुलको काम नै अलपत्र पारेर ठेकेदार कमल भट्ट फरार भएपछि स्थानीयले यो वर्ष पनि खोलामा परेर अकालमै ज्यान गुुमाउनुु पर्ने त्रासदीमा बसेका छन् ।

कावासोती नगरपालिकाको केरुङ्गे खोलाको अलपत्र पुुलको निर्माण सम्पन्न गर्न नगरपालिकाले ठेकेदारको खोजी गरिदिन प्रमुुख जिल्ला अधिकारीलाई निवेदन समेत बुुझाएको प्रभावित क्षेत्र कावासोती ४ का वडाध्यक्ष नारायण लोहोनीले बताएका छन् ।

कावासोती नगरपालिकाको नै मुुख्य सो पक्की पुुल यो वर्ष पनि निर्माण हुुने अहिले सम्म कुुनै छाँटकाँट नै छैन । अहिले पनि यहाँ यात्रा गर्ने जनताले दुुःख पाउने स्थानीय लेखमान थापाले बताए ।

नगरपालिकाले पठाएको पत्रमा काम थालेको वर्षौंसम्म पनि पुल निर्माणको काम सम्पन्न नगरेर बेपत्ता भएको भन्दै ठेकेदारलाई झिकाइदिन अनुरोध गरेको छ । ठेकेदार झिकाएर कारबाही गर्न र काम पनि सम्पन्न गराउन ताकेता गरिदिन नगरपालिकाले प्रमुुख जिल्ला अधिकारीको ध्यानाकर्षण गराएको छ । एक सय ६० मिटर लामो सो पुुल २०७७ असार मसान्त भित्र सकिसक्नुु पर्ने ठेक्का सम्झौतामा उल्लेख भए पनि पछि २०८० असार मसान्त सम्मका लागि पुुनः म्याद थपिएको हो ।

स्थानीय कुुश्माखर बस्यालले धेरै पहिलेदेखि बनेको सो पुुल अहिले पनि नसकिंदा यो बर्ष पनि धेरैले ज्यान गुुमाउनुुपर्ने अवस्था आउन सक्ने भन्दै चिन्ता प्रकट गरे ।

नगरपालिकाका प्रमुुख बिष्णुु भुसालले अहिले सम्म ठेकेदार कमल भट्ट बेपत्ता भएको र मोबाइलमा सम्पर्क हुन नसकेको बताउँदै ठेकेदारको खोजी गरी समयमै पुुल निर्माण सक्नका लागि सडक डिभिजन संग पनि कुुरा अघि बढाईएको बताए ।

सदरमुुकाम आवातजावत गर्ने तीन वडाको मात्र नभएर छिमेकी गाउँपालिका र अरु जिल्लाबाट समेत यो पुुल प्रयोग गरिने भए पनि निर्माण नसकिँदा हरेक वर्ष केरुङ्गे खोलाको बाढीले धेरैको ज्यान गुुमाउनुु पर्ने बाध्यता यसवर्ष पनि दनेहोरिने देखिएको कावासोती ४ का स्थानीय रामप्रसाद शर्माले बताए ।