खोज

दाङ, १९ जेठ ।

घोराही उपमहानगरपालिका सामाजिक विकास महाशाखा तथा रोजगार सेवा केन्द्रको आयोजना र नेपाल सरकार तथा स्वीटजरल्याण्ड सरकारको द्विपक्षीय परियोजना (दिगो तथा सम्मानित रोजगारीका लागि सीप) दोश्रो चरणको सहयोगमा एक दिने वृत्ति मार्गनिर्देशन तथा रोजगार मेला दाङको घोराहीमा शुक्रबार आयोजना गरिदैछ । आज शुक्रबार हुने मेलाले विद्यार्थी तथा युुवाहरुलाई वृृत्ति परामर्शको सेवा प्रदान गर्ने तथा रोजगारीको खोजीमा रहेका यूवा जनशक्ति र रोजगारदातालाई एकै स्थानमा ल्याई आ–आफ्नो आवश्यकताअनुसारको जनशक्ति खोज्न र रोज्न सहयोग पु¥याउने घोराही उपमहानगरपालिकाका प्रमुख नरुलाल चौधरीले जानकारी दिए । प्राविधिक, प्रशासनिक क्षेत्रका व्यक्तिका साथै श्रमिक वर्गको समेत सहभागिता रहने मेलामा उद्योग÷व्यवसायलगायत अन्य क्षेत्रका रोजगारदाताको पनि प्रतिनिधित्व हुने उनले बताए ।

देशका युवा जनशक्ति अध्ययनपश्चात स्वदेशमा रोजगारी खोज्नु वा उद्योगधन्दा खोल्नु भन्दा दक्ष जनशक्ति पलायन हुने क्रम धेरै रहेको छ । उद्योग÷व्यवसायलगायतका क्षेत्रले जनशक्तिको अभाव भोग्नु परिरहेको वर्तमान अवस्थामा वृत्ति मार्गनिर्देशन तथा रोजगार मेलाबाट रोजगारदातालाई आवश्यकता अनुसारको जनशक्ति उपलब्ध हुने बिश्वास रहेको नगर प्रमुख चौधरीले बताए । रोजगारीकै खोजीमा युवा शक्तिलाई विदेशिनु पर्ने बाध्यताको अन्त्य गर्न मद्दत पुग्ने बिस्वास लिएको उनको भनाइ छ ।

हाम्रो समाजको श्रमशक्तिलाई गुणस्तरीय बनाउँदै तथा श्रमिकहरुको सीप र क्षमता अभिवृद्धि गर्दै युुवाहरुमा कामलाई सम्मान गर्ने संस्कृतिको विकास गर्न र श्रम बजारमा उनीहरुको माग र सम्मान वृद्धि गर्नका लागि स्थानीय बेरोजगार युवाहरुलाई सीप सिक्न अभिप्रेरित गर्ने, रोजगारीको अवसर सिर्जना गर्ने उद्देश्यले वृत्ति मार्गनिर्देशन तथा रोजगार मेलाको आयोजना गर्न लागिएको बताइएको छ ।

रोजगार मेलामा वृत्तिविकास सम्बन्धी परामर्श सेवा तथा जानकारी दिइने, सीपमूलक तालिम दिने संस्थाहरुको प्रदर्शनी र तालिमबारे जानकारी दिइने, रोजगार सम्बन्धी सूचना दिइनुका साथै रोजगारदातासँग प्रत्यक्ष सम्पर्क गराइने, निःशुल्क सञ्चालन हुने कार्यस्थलमा आधारित सीपमूलक तालिमसम्बन्धी जानकारी दिइने, रोजगारको अवसर प्राप्त गर्न सकिने र स्थानीय उत्पादनहरु प्रदर्शनी गरिने कार्य्रक्रम तय भएको नगरप्रमुख चौधरीले जानकारी दिए ।

मेला पश्चात विद्यार्थी तथा युवाहरुले वृत्ति परामर्श सेवा प्राप्त गर्ने, बेरोजगार युवाहरुले विभिन्न उद्योग तथा व्यवसायमा रोजगारी प्राप्त गर्ने, उद्योग तथा व्यवसायीहरुले उपलब्ध जनशक्तिबारे जानकारी पाउनेछन् ।

बेरोजगार युवाहरुले स्थानीय स्तरमा रहेको उद्योग तथा व्यवसायसंग उपलव्ध विभिन्न रोजगारीका अवसरवारे जानकारी पाउने र तालिम प्रदायक संस्थाबाट प्रदान गरिने सीपमूलक तालिम र अवसरको जानकारी पाउने मेला आयोजकले जनाएको छ । मेलामा करिब २५ सय जना सम्मको सहभागिता रहने अनुमान गरिएको छ ।