© २०२३
२८ भाद्र २०८१, शुक्रबार
२८ भाद्र २०८१, शुक्रबार
चन्द्रौटा(कपिलवस्तुुु), ८ जेठ ।
गणपति लघुवित्त वित्तीय संस्थाको केन्द्र गोष्ठी तथा वित्तीय साक्षरता कार्यक्रम गरिएको छ । जिल्लाको शिवराज नगरपालिका –३ अवस्थित संस्थाको खरेन्द्रपुर शाखाले चन्द्रौटामा आइतबार कार्यक्रम गरेको जनाएको छ ।
संस्थाका अनुगमन अधिकृत तिलक बहादुर भण्डारीले आवद्ध सदस्यहरुले बजारको अवस्थालाई मध्यनजर गर्दै आर्थिक मन्दीलाई चलायमान बनाउन जे प्रयोजनका लागि लिएको त्यसैमा लगानी गर्नुपर्ने बताए । उत्पादनमूलक कार्यक्षेत्रमा लगानी गरी आयआर्जनमा अघि हुनुपर्नेमा उनले जोड दिए । यसैबीच शान्ता पन्थले नियमित बचत गर्ने बानीको विकास सँगै ऋण लिँदा समयमा तिर्नुपर्ने बताउँदै लगानी उत्पादन मुखी पेशामा लगाउन जिकिर गरिन् ।
विगत ३ बर्षको स्थापनाकालदेखि शाखा विस्तार गरी ६५ बढी केन्द्र निर्माण गरी हजारौं सदस्यहरु मार्फत कारोबार गरिरहेको शाखा प्रबन्धक हरि बहादुर थापाले बताए । यस्तै लेक बहादुर सारु मगर, गीता बोहरा र मनिषा थारु लगायतले कार्यक्रमलाई सम्बोधन गरेका थिए ।
समूहका सदस्यहरूको सन्तानले एसइइ उत्तीर्ण गरेका उत्कृष्ट ३ विद्यार्थीलाई, ३ जना असल ऋण र एक बचत कर्तालाई दोसल्लासहित सम्मानपत्र र नगद रकमले सम्मान गरिएको लघुवित्त वित्तीय संस्थाले जनाएको छ ।
© २०२३
सर्वाधिकार सुरक्षित
Design & Developed By:
