खोज

बुटवल (बुटवल टुडे) चैत ।- प्रदेश सचिव र स्थानीय तहका प्रमुख प्रशासकीय अधिकृत संघबाट हुनुपर्ने नेपाल निजामती कर्मचारी युनियनका अध्यक्ष गोपाल प्रसाद पोखरेले बताएका छन् ।
संघीयता पछि दोश्रो कार्यकालको निर्वाचन पश्चात पनि संघीय निजामती ऐन आउन नसक्नु दुखद पक्षभएको भन्दै उनले निजामती कर्मचारीहरुको एक मात्र कानुनलाई विभिन्न वहानामा आउन नदिनुमा हाम्रा ट्रेड युनियन कर्मीहरुको पनि कमजोरी रहेको बताएका छन् ।
उनले विगत लामो समय देखि कर्मचारी हकहितको लागि आवाज उठाउदै आएको बताउँदै संघीय निजामती सेवा ऐनमा सरुवा, बढुवा, वृत्ति विकास, राजपत्रअनंकितहरुको मर्का नसमेटिई नआउने समेत बताएका थिउ ।
नेपाल निजामती कर्मचारी युनियन, अर्घाखाँचीले आयोजना शुभकामना आदान–प्रदान कार्यक्रममा बोल्दै अध्यक्ष पोखरेलले संघीय निजामती सेवा ऐन छिट्टै आउनेमा आफूहरु विश्वस्तरहेकोसमेत बताएका थिए ।
करिब ४ सय जनाको उपस्थितीरहेको कार्यक्रममा नेपालकी काँग्रेसका प्रदेशसह–महामन्त्री विष्णु प्रसाद खनाल, जिल्ला पार्टी सभापती केशब श्रेष्ठ, सन्धिखर्क नगरपालिकाका प्रमुख कृष्ण प्रसाद श्रेष्ठ, युनियनका केन्द्रीय उपाध्यक्ष मदन गौतम, उपमहासचिव गणेश भण्डारी, केन्द्रीय सचिव प्रकाश भट्टराई, केन्द्रीय सदस्यहरु नविन पन्थी, हरि ज्ञवाली, मनिष अधिकारी, सन्धिखर्क नगरपालिकाकाका प्रमुख प्रसशाकीय अधिकृत खुमलाल भुसाल, भुनपका का नारयण प्रसाद पोखरेल, शितगंगाका झविन्द्र खनाल, पत्रकार महासंघका जिल्ला अध्यक्ष अशोक कुमार खनाल, युनियन जिल्ला अध्यक्ष कृष्ण वर्मा लगायतले शुभकानमा दिएका थिए ।सोही कार्यक्रममा नयाँ बर्ष २०८० को भित्ते पात्रो समेत विमोचन गरिएको सचिव अर्जुन रेग्मीले जानकारी दिए ।