खोज

बुटवल, ४ फागुन ।

पर्यटन प्रवद्र्धन गर्न सके देशको अर्थतन्त्र बलियो बनाउन सकिने पुर्व भौतिक पुर्वाधार तथा यातायात मन्त्री सन्तोषकुमार पाण्डेले बताएका छन् । उनले त्यसका लागि आउने पर्यटकहरुलाई आवश्यक पर्ने सेवा सुविधामा कमी हुन नदिनु पहिलो काम भएको बताए ।

विहिबार बुटवलमा आइसक्रिम चेन बास्किन रोविन्सको उद्घाटन गर्दे उनले यस्तो बताएका हुन् । कार्यक्रममा बोल्दै पुर्व शिक्षा मन्त्री बशीरउद्धिन खानले बुटवल बजारमा विभिन्न ब्रन्डको आईसक्रिम स्टोर खुल्नु यस क्षेत्रका बासिन्दाको लागि खुशीको कुरा रहेको बताए । यसले बुटवलको व्यवसायलाई अगाडि बढाउन थप मद्दत पुग्ने विश्वास व्यक्त गरे ।

बास्किन रोबिन्स आईसक्रिम स्पेशालिस्ट स्टोरहरु विश्वको सबै भन्दा ठुलो चेन रहेको र ६३ भन्दा बढी देशहरुमा ७ हजार भन्दा बढी स्टोरहरु रहेको सन इन्टरनेशनल प्रालिका अध्यक्ष सौरभ ज्योतिले जानकारी दिए । उनले ज्योति गुप्रले बास्किन रोबिन्सलाई प्रवद्र्धन गर्न ग्रेभिस फुड प्राइभेट लिमिटेडसँग सहकार्य गरिरहेको बताए । अहिले नेपालमा १२ वटा रिटेल आउटलेट र ९ आइचेअम कार्टहरु ८ शहरमा सञ्चालनमा रहेको छ । यहाँबाट उत्पादन हुने आईसक्रिमहरु कम फ्याट, चिनी नभएको, डेयरीफ्री आइसक्रिम शेक, सन्डेज, बार्स, बेल्जियन र चोको लाभा लगायतका रहेका छन् ।