खोज

बुटवल, ३ फागुन ।

एम्स कलेजको आयोजनामा बुधबार ईन्ट्रा कलेज फुटसल प्रतियोगिता सम्पन्न भएको छ । विद्यार्र्थीहरुको अन्तर निहित प्रतिभा प्रष्फुटन गराउने उद्देश्य सहित अध्ययनसंगै वार्षिक रुपमा खेलकुद गतिविधि गर्दै आएको संयोजक विकास श्रेष्ठले बताए ।

बुधबार भएको खेलमा पुरुषतर्फ तेस्रो वर्षको टिम बिजयी भएको हो । मोनालिसा फुटसल एरिनामा बुधबार भएको खेलमा तेस्रो वर्षको टिमले चौथो वर्षको टिमलाई ५–३ गोल अन्तरले पराजित गरेको हो । बिबिएस तेस्रो वर्षको टिमको जितमा निरज अधिकारी २, आशिष गौतम २ र मनिष अधिकारी १ गोल गरेका थिए । चौथो वर्षका हर्षित भुषालले ह्याट्रिक गरेका थिए ।

महिलातर्फ भने बिबिएस चौथो वर्षको टिमले बाजी मार्र्यो । बिबिएस तेस्रो वर्षका विद्यार्र्थीलाई ट्राईबेकरमा २–० गोल अन्तरले हराउँदै चौथो वर्षका टिम विजयी भएको हो । प्रतियोगितामा पुरुषतर्फ ६ वटा र महिलातर्फ २ टिमका बीचमा खेल भएको थियो । कलेजका प्रबन्ध निर्देशक गोपाल प्रसाद न्यौपाने, डाईरेक्टर गोबिन्द बश्याल, कलेजको कार्यक्रम संयोजक सुरज शाक्यले एम्स कलेजमा विद्यार्र्थीहरुको अतिरिक्त क्रियाकलापमा विशेष जोड दिदै समाजप्रति उत्तरदायी बनाउने गरी कार्यक्रमहरु गर्दै आएको बताए । कार्यक्रममा क्याम्पस प्रमुख दिपक ढकालले कलेजको विशेष कार्यक्रममा विजेता तथा उपविजेता टिम तथा उत्कृष्ट खेलाडीहरुलाई पुरस्कृत गरिने बताए ।