© 2026
२५ आश्विन २०८३, आइतबार
२५ आश्विन २०८३, आइतबार
काठमान्डौँ ।
बूढीगण्डकी नदीमा आएको बाढीका कारण पहिरोको जोखिममा परेका ६ जनाको हवाई उद्धार गरिएको छ ।
प्रधानमन्त्री बालेन शाहले आइतबार बिहान सामाजिक सञ्जाल फेसबुकमार्फत बाढीपहिरो प्रभावित क्षेत्रबाट ६ जनाको उद्धार गरिएको जानकारी दिएका हुन् ।
प्रधानमन्त्री शाहका अनुसार नेपाली सेनाको टोली हवाई तथा स्थलमार्गबाट खोज तथा उद्धार कार्यमा खटिएको छ । सेनाले पहिरोको जोखिममा रहेको जगत क्षेत्रबाट ६ जनाको हवाई उद्धार गरेको हो ।
उद्धार कार्यलाई थप प्रभावकारी बनाउन काठमाडौँमा रहेको कम्पोजिट क्विक रियाक्सन टिमलाई समेत हवाई साधनमार्फत उक्त क्षेत्रमा तैनाथ गरिएको प्रधानमन्त्री शाहले बताएका छन् ।
बूढीगण्डकी नदीबाट प्रभावित क्षेत्रमा उद्धार, राहत वितरण तथा जोखिममा रहेका नागरिकलाई सुरक्षित स्थानमा स्थानान्तरण गर्न हेलिकप्टर परिचालन गरिएको उनले जानकारी दिएका छन् ।
© 2026
All rights reserved.
Design & Developed By:
