© 2026
२१ आश्विन २०८३, बुधबार
२१ आश्विन २०८३, बुधबार
काठमान्डौँ ।
सम्पत्ति शुद्धीकरण विभागले पूर्वप्रधानन्यायाधीश चोलेन्द्र शमशेर जबरा, उनका निकटस्थ केही व्यक्ति तथा नातेदारको घरमा छापा मारेको छ ।
विभाग तथा प्रधानमन्त्रीनिकट स्रोतका अनुसार पूर्वप्रधानन्यायाधीश जबरा, नवराज थपलिया, दीपक तिमल्सिना र नारायण दाहालको घरमा विभागको टोलीले छापा मारेको हो ।
स्रोतका अनुसार जबराका केही नातेदारको घरमा समेत सम्पत्ति शुद्धीकरण अनुसन्धान विभागको टोली पुगेको छ । छापाका क्रममा जबराका निकटस्थ व्यक्तिहरूका घरबाट केही महत्त्वपूर्ण कागजातसमेत बरामद गरिएको बताइएको छ ।
यसअघि केही दिन मात्रै काठमाडौं उपत्यका अपराध अनुसन्धान कार्यालयको टोलीले पूर्वप्रधानन्यायाधीश जबरालाई उनकै निवासबाट मध्यरातमा पक्राउ गरेको थियो । उनलाई करिब १२ घण्टा नियन्त्रणमा राखेर पछि छाडिएको थियो ।
© 2026
All rights reserved.
Design & Developed By:
