© 2026
११ आश्विन २०८३, आइतबार
११ आश्विन २०८३, आइतबार
तम्घास । कालीगण्डकी नदीमा आएको बाढीले गुल्मी र स्याङ्जा जोड्ने मोटरेबल पुल बगाएको छ ।
गुल्मीको कालीगण्डकी गाउँपालिका–१ हर्मिचौर र स्याङ्जाको कालीगण्डकी गाउँपालिका–मिर्मी जोड्ने रेप्कास्थित मोटरेबल पुल बाढीले बगाएको हो ।
हर्मिचौरका स्थानीय हरीप्रसाद पाण्डेका अनुसार बिहान करिब ६ बजेतिर आएको बाढीले पुल बगाएको हो ।
कालीगण्डकी नदीमा पानीको बहाव अत्यधिक बढेपछि कालीगण्डकी जलविद्युत् आयोजनाले तीनवटै ढोका खोलेको थियो । त्यसपछि नदीमा पानीको बहाव झनै बढेको स्थानीयले बताएका छन् ।
पुल बगेपछि हर्मिचौर र मिर्मीबीचको यातायात सम्बन्ध विच्छेद भएको छ । दैनिक खाद्यान्न तथा डिजेल–पेट्रोलका लागि मिर्मी जाने स्थानीयसँगै क्याम्पस तथा बोर्डिङ स्कुलमा अध्ययनका लागि मिर्मी जाने विद्यार्थीसमेत प्रभावित भएका छन् ।
जलविद्युत् आयोजना निर्माणका क्रममा उक्त पुल इटाली सरकारले निर्माण गरिदिएको थियो ।
यसैबीच, कालीगण्डकी नदीमा आएको बाढीका कारण स्याङ्जाको सेतीवेणी बजारसमेत डुबानमा परेको छ ।
© 2026
All rights reserved.
Design & Developed By:
