Butwal Today

भारतीय प्रधानसेनापति धिरज सेठ काठमाडौँ आइपुगे

३१ श्रावण २०८३, आइतबार
अ
अ+
अ-

काठमाडौँ । भारतीय प्रधान सेनापति जनरल धिरज सेठ काठमाडौँ आइपुगेका छन् । आइतबार अपराह्न ४ बजेर १५ मिनेटमा एयर इन्डियाको विमानमार्फत सेठ त्रिभुवन अन्तर्राष्ट्रिय विमानस्थलमा ओर्लिएका हुन् ।

नेपाल भ्रमणका क्रममा प्रधान सेनापति सेठले रक्षामन्त्रीसमेतको जिम्मेवारी सम्हाल्दै आएका प्रधानमन्त्री बालेन्द्र शाहसँग भेटवार्ता गर्ने कार्यक्रम रहेको छ । उनले नेपाली सेनाका प्रधान सेनापति अशोकराज सिग्देलसँग पनि भेटवार्ता गर्नेछन् ।

सन् २०२६ जुन ३० मा भारतको प्रधान सेनापतिको जिम्मेवारी सम्हालेका सेठलाई नेपाली सेनाको मानार्थ महारथीको दर्जा प्रदान गरिँदै छ । सोमबार शीतल निवासमा उनलाई नेपाली सेनाको मानार्थ महारथीको दर्जा प्रदान गर्ने कार्यक्रम तय भएको नेपाली सेनाका प्रवक्ता सहायक रथी राजाराम बस्नेतले बताएका छन् ।

राष्ट्रपति रामचन्द्र पौडेलले प्रधान सेनापति सेठलाई मानार्थ महारथीको दर्ज्यानी चिह्न प्रदान गर्नेछन् । प्रधान सेनापति सेठले सोमबार जङ्गी अड्डामा आयोजित औपचारिक कार्यक्रममा समेत सहभागिता जनाउने कार्यक्रम रहेको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

खानेपानी पूर्वाधारको संरक्षणमा ध्यान दिन मुख्यमन्त्री आचार्यको आग्रह

ध्यानमा विद्यार्थी, सकारात्मक सोचको खोजी

सरकार धार्मिक तथा प्राकृतिक सम्पदा संरक्षणमा प्रतिबद्ध छः मन्त्री पौडेल

बाढीपहिरोबाट भएको जनधनको क्षतिप्रति एमालेद्वारा दुःख व्यक्त

सनातन धर्मलाई राष्ट्रिय पहिचानका रूपमा अघि बढाउने कांग्रेस इतर समूहको प्रस्ताव

युवाको राजनीतिक सहभागिता नारामा सीमित हुनु हुँदैन: पूर्व राष्ट्रपति भण्डारी

म हिन्दु हुँ, तर कसैको धर्मविरुद्ध छैन: शेरबहादुर देउवा

विदेशी उपाधिको समकक्षता निर्धारणको जिम्मेवारी अनुदान आयोगलाई