© 2026
२९ बैशाख २०८३, मंगलवार
२९ बैशाख २०८३, मंगलवार
काठमाडौँ । नेपाल कम्युनिष्ट पार्टी (एमाले) संसदीय दलका नेता रामबहादुर थापाले सरकारको आगामी वर्षको नीति तथा कार्यक्रमले विद्यमान अवस्थाका प्रश्नको उत्तर दिन नसकेको टिप्पणी गरेका छन् ।
प्रतिनिधिसभाको आजका बैठकको विशेष समयमा उनले निर्धारित संसद्को अधिवेशन स्थगित गरी आठ वटा अध्यादेश जारी गरिनु लोकतन्त्रका लागि सुखद नभएको बताए । ऋण लिएर विकास नहुने भएकाले नीति तथा कार्यक्रमलाई परिवर्तन आवश्यक रहेको उनको भनाइ थियो ।
तत्कालीन राजनीतिक दलहरूको कमजोरीका कारण स्थापित नयाँ दलले जनताको आकाङ्क्षा पूरा गर्नुपर्नेमा जोड दिँदै उनले सरकारको पछिल्लो गतिविधिले त्यस्तो लक्षण नदेखाएको टिप्पणी गरे । नेता थापाले सरकारको नीति तथा कार्यक्रमले मुलुकको समग्र विकास, स्थायी शान्ति र लोकतन्त्रको रक्षा गर्न नसक्ने आरोप लगाए ।
© 2026
All rights reserved.
Design & Developed By:
