© २०२३
६ मंसिर २०८१, बिहीबार
६ मंसिर २०८१, बिहीबार
बुटवल, १ माघ
रुपन्देहीमा सम्पन्न दुई दिने खुला फुटबल प्रतियोगिताको उपाधि काठमाडौको ब्ल्याक हकले चुमेको छ। लुम्बिनी फुटसल एरिया योगिकुटीमा आईतबार भएको फाईनल खेलमा आरकेएफसी बुटवललाई ३-२ गोल अन्तरले पराजित गर्दै ब्ल्याक हबले उपाधि चुमेको हो। उपाधिसंगै उसले नगद ३५ हजार रुपैया, कप, मेडल, प्रमाणपत्रबाट पुरस्कृत भएको छ। उपविजेता आरक्एफसी नगद २० हजार रुपैया, कप, मेडल, प्रमाणपत्रमा चित्त बुझाएको छ। ब्लाक हकको जितमा सुरज लिम्बुले २ र सुमन लिम्बुले १ गोल गरेका थिए। आरकेएफसीका गणेश थापा र रोहित गुरुङले गोल गरेका थिए।
प्रतियोगितामा ब्ल्याक हकका सुमन लिम्बु सर्वोत्कृष्ट खेलाडी, खस्यौली स्नुकर क्लबका मिलन आलेमगर प्रतियोगितामा १० गोल गर्दै सर्वाधिक गोलकर्ता, ब्ल्याक हकका सौरभ ठाकुर उत्कृष्ट गोलकिपर हुँदै ट्रफि, मायाको चिनोबाट पुरस्कृत भए। बुटवल युनाईटेड क्लबको आयोजनामा भएको दुई दिने प्रतियोगितामा २८ टिमले प्रतिस्पर्धा गरेका थिए।
अध्यक्ष वसन्त थापाले खेलाडीहरुलाइ फुटसलको माध्यमबाट भातृत्व विकास गर्ने उदेश्यका साथ प्रतियोगिता आयोजना गरिएको बताए।
© २०२३
सर्वाधिकार सुरक्षित
Design & Developed By:
