© 2026
५ फाल्गुन २०८२, मंगलवार
५ फाल्गुन २०८२, मंगलवार
काठमाडौँ ।
नेकपा एमालेका अध्यक्ष तथा झापा–५ का उम्मेदवार केपी शर्मा ओलीले आज आफ्नो चुनावी प्रतिबद्धता सार्वजनिक गर्ने भएका छन् ।
केपी शर्मा ओलीले मंगलबार दिउँसो ३ बजे दमक–९ स्थित अमरसिंह चोकमा प्रतिबद्धता–पत्र सार्वजनिक गर्ने कार्यक्रम तय भएको हो । आफ्नो निर्वाचन क्षेत्रका मतदातामाझ विकास तथा समृद्धिसम्बन्धी योजनासहितको प्रतिबद्धता सार्वजनिक गर्न लागिएको छ ।
निर्वाचन परिचालन कमिटीका संयोजक देवेन्द्र दाहालका अनुसार प्रतिबद्धता–पत्रमा ओलीले विजयी भएपश्चात झापा–५ क्षेत्रमा कार्यान्वयन गर्ने योजनाहरूको विस्तृत विवरण समेटिएको छ । यसका साथै प्रतिवद्धता पत्रमा नेपालमा कम्यूनिष्ट पार्टीको स्थापना, एमालेको नेतृत्वमा गठन भएका सरकारले गरेका राम्रा कामको पृष्ठभूमी, सरकारले थालेका तर अपुरा रहेका योजनाहरुको विस्तृत विवरण समेटिएको दाहालले बताए ।
अध्यक्ष ओलीले प्रतिबद्धता सार्वजनिक गर्नु अघि तथा पछि मतदातासँग भेटघाट कार्यक्रमलाई पनि निरन्तरता दिने कार्यक्रम छ । मंगलबार उनले दमक–३ स्थित दुम्से, टुकुरे लगायतका स्थानमा मतदातासँग भेटघाट गर्नेछन् । त्यसैगरी दमक–८ को संगम चोक, कृष्ण मन्दिर, धनपती मैनालीको निवास हुँदै दमक–१० स्थित सूर्य चोकमा पनि प्रचार–प्रसार तथा भेटघाट कार्यक्रम तय गरिएको दाहालले जानकारी दिए ।
माथि उल्लेखित समाचारलाइ उत्कृष्ट भाषाको प्रयोग गरी समाचार सम्पादन गर्नुहोस ।
© 2026
All rights reserved.
Design & Developed By:
