खोज

बुटवल ।

नेपाल प्रहरी राजमार्ग सुरक्षा तथा ट्राफिक ब्यबथापन कार्यालय बुटवलले चालकसँग ३ मिनेट कार्यक्रम सुरु गरेको छ ।

मुख्य गरी दुईपाङ्ग्रे सवारी चालक हरूलाई केन्द्रित गदै सवारी चलाउँदा सावधानी जरुरी रहेको बताएका थिए । चालकहरूले सवारी चलाउँदा हुने साना साना कमजोरीका कारण ठुला ठुला दुर्घटना को सामना गर्नुपरेको र ठुलो जनधनको क्षति हुने गरेको भन्दै ट्राफिक प्रहरी कार्यालय बुटवलले चालकहरूलाई सचेत गराउन अभियान सुरु गरेको हो ।

लुम्बिनी प्रदेश ट्राफिक प्रहरी कार्यालय बुटवलका प्रमुख प्रहरी उपरीक्षक मित्र बन्धु शर्माले चालकहरूलाई सचेत गराउँदा दुर्घटना कम हुने बताउँछन् । चालकहरूले नजानेको कुरा सिकाउने भन्दापनी जानेका कुराहरूलाई पुन ताजकी बनाउन प्रदेश भरी चालक सँग तिन मिनेट अभियान सञ्चालन गरेको बताए ।

धेरै दुर्घटना दुई पाङ्ग्रे सवारीसाधनहरू बाट हुने गरेकाले चालकहरूलाई सडकमा लेनको प्रयोग गर्न गाडीको स्पिड कन्ट्रोल गर्न जथाभाबी ओभरटेक नगर्न सवारी चलाउँदा हेलमेटको प्रयोग गर्न मादक पदार्थ सेवन तथा लागुऔषध सेवन गरी सवारी नचलाउन सचेतना गराउने काम प्रशिक्षणले सहयोग पुग्ने प्रमुख प्रहरी उपरीक्षक शर्माको भनाई छ ।

चालकहरूले सवारी चलाउँदा साना साना कमजोरी गर्दा ठुलठुला दुर्घटना हुने गरेको र जन धनको क्षति हुने गरेकाले चालकहरू सचेत र सजक हुनु जरुरी रहेको उनको भनाई छ ।

लुम्बिनी प्रदेश भरी चालक सँग ३ मिनेट अभियान सुरु गरिएको प्रदेश ट्राफिक प्रहरी कार्यालय बुटवलका सूचना अधिकारी प्रहरी नायव उपरीक्षक दिपेस बस्यालले बताए । साना सवारी दुईपांग्रे सवारीहरूको दुर्घटना को सङ्ख्या धेरै रहेको भन्दै सूचना अधिकारी बस्यालले भने तिन मिनेट अभियानमा दुईपांग्रे सवारी चालकहरूलाई फोकस गरेर अभियान सुरु गरिएको उनको भनाई छ ।

यो अभियानले सडकमा हुने दुर्घटनालाई केही कम गर्न ट्राफिक प्रहरी कार्यालयको भनाई छ ।