खोज

बुटवल, ९ पुस ।

होटल पौवाले अँग्रेजी नया वर्षको स्वागतमा विशेष कार्यक्रमको तयारी गरेको छ । ‘यसपालीको नयाँ वर्ष पौवाको स्वाद, नाचौ, गाऊ, रमाऊ, सधै रहोस् याद’ नारासहित नया वर्ष सागितिक र मनोरञ्जनात्मक कार्यक्रम गरी मनाउने तयारी गरेको हो ।

पौवा होटलका अध्यक्ष दुर्गा प्रसाद भण्डारीले पौवाका तीन शाखा बुटवल, भैरहवा र घोराहीमा पुस १६ गते साँझ ६ बजेबाट शुरु हुने कार्यक्रमको तयारी पुरा भएको बताए । ‘सागितिक कार्यक्रममा प्रवेश निःशुल्क छ’– उनले भने । कार्यक्रममा खानाका परिकारका साथै कलाकारहरुको प्रस्तुती समेत रहेको उनले बताए । बुटवलमा प्रकाश दुधराज, मिलन नेवार, खुमन अधिकारी र गायक अफसर अलिको प्रस्तुति रहने छ । यसैगरी भैरहवामा नेपाल आईडल प्रविण वेडवाल र एन्जिला रेग्मी, कर्णराज गिरिको प्रस्तुति रहने छ भने घोराहीमा नेपाल आईडलका अमित बरालको ब्याण्डको प्रस्तुति रहने उनले बताए ।

होटलमा सहुलियत मूल्यमा खानाहरु उपलब्ध हुने उनले बताए । स्थापनाको ६ वर्षको अवधिमा नै देशका ११ मुख्य शहरमा होटलको सेवा दिन सफल भएको उनले बताए ।
होटलका प्रबन्ध निर्देशक विष्णु ज्ञवालीले मिशन हन्ड्रेडको लक्ष्यसहित अगाडि बढेको भएपनि कोभिड संक्रमणका कारण सुस्त गतिमा भईरहेको बताए । शाखा विस्तारको क्रममा संघीय राजधानी काठमाडौ र मधेश प्रदेश जनकपुरमा शाखा विस्तारको सम्भावना अध्ययन भैरहेको उनले बताए ।

होटलका ब्राण्ड प्रमुख विष्णु भण्डारीले होटल ब्यवस्थापनमा नयाँ सोचका साथ सेवा दिन सफल भएको बताए । टिपिकल नेपालीपनको सेवा दिने गरी नया ढंगबाट सेवा दिन सफल भएको उनले बताए । नेपाली टिपिकल खानाका साथमा मरौठी चिकन र मरौठी पनिर पौवाको विशेषता भएको उनले बताए । नेपाली संस्कृति जगेर्नालाई प्राथमिकता दिएको उनले बताए ।

शिवरात्री, माघि, जन्माष्टमी, तिज, असार १५ मा दहि चिउरा खुवाउने, भजन क्रितन गर्ने जस्ता धर्मसंस्कृति जगेर्ना र प्रचारप्रसारमा लागेको उनले बताए । हाल बुटवल शाखामा ३५ क्षमता बेड, आकर्षक एक हजार क्षमताको बैङकट हल, सेमिनार हलहरु छन । बुटवल, भैरहवा, पाल्पा, रेसुङा, पोखरा, गोरुसिङे, भालुवाङ, लमही, घोराही, धनगढी, जुम्लामा शाखा रहेको छ । पौवाका ११ शाखामा दैनिक ७ सय ५० जनालाई बसाईको सेवा दिनसक्ने क्षमता रहेको छ । देशभरका ११ वटा शाखामा ४ सय ५० जनाले प्रत्यक्ष रोजगार पाएका छन ।