खोज

बुटवल, ४ पुस ।

कालिका मानवज्ञान माध्यमिक विद्यालयको ६२ औ वार्षिकोत्सव तथा अभिभावक दिवसको अवसरमा जारी दोस्रो कालिका रनिङशिल्ड प्रतियोगिता २०७९ मा आयोजक कालिका मानव ज्ञान मावि ६ स्वर्ण जित्दै अंक तालिकाको शीर्षस्थानमा कायम रहेको छ । यसैगरी ५ स्वर्ण जित्दै कुँवरवर्ती मावि दोस्रो तथा २ स्वर्णका साथ रामापुर मावि तेस्रो स्थानमा रहेको छ ।
चौथो दिनको खेलमा सोमबार भलिबल र कबड्डीका फाईनल समिकरण सम्पन्न भएका छन् ।

कालिका मानव ज्ञान माविका सलिम देवानले छात्र त्रिपलजम्पमा स्वर्ण जित्दै ब्यक्तिगत ३ स्वर्ण हात पारेका छन् । उनले १२.९४ मिटर दूरी जम्प गरे । यसैगरी नविन औद्योगिक माविका विशाल परियारले ११.४० दूरी जम्प गर्दै दोस्रो तथा न्यू होराईजनका विजय यादवले ११.३८ मिटर दूरी जम्प गर्दै तेस्रो स्थान हासिल गरेका छन् ।

छात्रातर्फ कालिका मानवज्ञानकी कृति पराजुलीले ८.६८ मिटर दूरी जम्प गर्दै स्वर्ण जितेकी छिन् । यसैगरी एभरेष्ट इङलिश बोर्डिङ स्कुलकी निशा चौधरीले ८.५२ मिटर जम्प गर्दै दोस्रो तथा नविन औद्योगिक माविकी लक्ष्मी बलालले ८.३० मिटर दूरी जम्प गर्दै तेस्रो स्थान हासिल गरेकी छिन् ।

छात्र २ सय मिटर दौडमा कुँवरवर्ती माविका दिल बहादुर कँुवरले २४.६४ सेकेण्डमा दूरी पार गर्दै स्वर्ण हात पारेका छन् । खेलमा जनजागृति माविका मनिष थापामगर २५.२४ सेकेण्डमा दूरी पार गदै दोस्रो र न्यू होराईजनका अंकित श्रेष्ठ २६.९२ सेकेण्डमा दूरी पार गदै तेस्रो भए ।

छात्रा २ सय मिटरतर्फ भने रामापुर माविकी पवित्रा बिकले ३०.४४ सेकेण्डमा दूरी पार गर्दै स्वर्ण जितेकी छिन् । कालिका मानवज्ञानकी कृति पराजुलीले ३१.०५ सेकेण्डमा दूरी पार गर्दै दोस्रो तथा कँवरवर्ती माविका रोजी थापाले ३१.३६ सेकेण्डमा दूरी पार गर्दै तेस्रो भएकी छिन् ।

यसैगरी छात्र ८ सय मिटर दौडमा कँुवरवर्तीका स्वरुप दराईले २.११ मिनेटमा दूरी पार गर्दै स्वर्ण हात पारेका छन् । नविनका प्रशान्त थापाले २.१७ मिनेटमा दूरी पार गर्दै दोस्रो तथा कालिकाका लेख बहादुर झेडीले २.१८ मिनेटमा दूरी पार गर्दै तेस्रो भएका छन् ।

छात्रातर्फ पनि कुँवरवर्तीकी रजनी थारुले २.५० मिनेटमा दूरी पार गर्दै स्वर्ण हात पारेका छन् । खेलमा कालिकाकी रजनी थापाले ३.०१ मिनेटमा दूरी पार गर्दै दोस्रो तथा टिकुलीगढ माविकी श्रृजना काईरीले ३.०३ मिनेटमा दूरी पार गर्दै तेस्रो स्थान हासिल गरेकी छिन् ।

एथ्लेटिक्सकै छात्र ४ बाई ४ सय मिटर दौडमा कँवरवर्ती माविका शेर बहादुर क्षेत्री, प्रेम चौधरी, डिल्लीराज कुँवर र स्वरुप दराईको समूह ३.४९ मिनेटमा दूरी पार गर्दै स्वर्ण जित्न सफल भएका छन् । कालिका मानव ज्ञानका लेख बहादुर झेडी, सलिम देवान, रबी घर्तीमगर, विकास गैरेको समुह ३.५४ मिनेटमा दूरी पार गर्दै दोस्रो तथा नविनका दशान बिक, प्रशान्त थापा, सुशिल चौधरी र दिपक बिकको समूह ३.५७ मिनेटमा दुरी पार गर्दै तेस्रो स्थान हासिल गरेका छन् ।

छात्रा ४ बाई ४ सय मिटरमा कालिका मानव ज्ञान माविका रक्षा थापा, लक्ष्मी भुुषाल, अनिषा कुँवर, कृति पराजुलीको टिम ५ मिनेटमा दूरी पार गर्दै स्वर्ण जितेका छन् । कुवरवर्तीका रोजी थापा, जिना थापा, रजनी थारु, सलिना चौधरीको टिम ५.०५ मिनेटमा दुरी पार गर्दै दोस्रो तथा नबिनका अलिसा पाण्डे, प्रकृति थापा, लक्ष्मी बलामी, लक्ष्मी थापाको टिम ५.१८ मिनेटमा दुरी पार गर्दै तेस्रो भएका छन् ।

छात्र भलिबलतर्फ पहिलो सेमीफाईनलमा उजिरसिहले न्यू होराईजन मावि र कँुवरवर्तीले कालिका मानवज्ञान माविलाई पराजित गर्दै फाईनल भिडन्त पक्का गरेका हुन् । यसैगरी छात्रा भलिबलको उपाधिका लागि भने न्यू होराईजन र एभरेष्ट इङलिस बोर्डिङ स्कुलका बीचमा खेल हुने छ ।

छात्र कबड्डीको पहिलो सेमीफाईनल खेलमा कालिकाले क्यानन र दोस्रो सेमीफाईनलमा सुर्यपुराले कान्ति माविलाई पराजित गर्दै फाईनल भिडन्त पक्का गरेका छन् । छात्रातर्फ न्यु होराईजनले जनजागृतिलाई र कालिकाले न्यु होराईजनलाई पराजित गर्दै फाईनल भिडन्त पक्का गरेका छन् ।