खोज

बुटवल, २७ मंसिर ।

कान्ति माध्यमिक विद्यालय बुटवल रुपन्देहीको वार्षिकोत्सव तथा अभिभावक दिवस २०७९ को अवसरमा तीन दिवसीय खेल सप्ताह एक कार्यक्रमका बीच विद्यालय व्यवस्थापन समितिका अध्यक्ष हेमानन्द शर्माले उदघाटन गरेका छन् । सो अवसरमा बोल्दै शर्माले कान्ति माध्यमिक विद्यालयले विद्यार्थीहरुमा रहेका अन्तरनिहित प्रतिभाको पहिचानका लागि समय समयमा आन्तरिक र बाह्य प्रतियोगिता सञ्चालन गरिरहेको र आगामी दिनहरुमा थप अन्तर्राष्ट्रिय स्तरका कार्यक्रमहरु समेत सञ्चालन गर्ने योजनाका साथ विद्यालयको अतिरिक्त क्रियाकलापको गुरु योजना बनेको बताएका थिए ।

कार्यक्रममा बोल्दै प्राचार्य गोविन्द ज्ञवालीले विद्यालयको ६९ औं वार्षिकोत्सव तथा अभिभावक दिवसलाई ऐतिहासिक बनाउनका लागि सबै विद्यार्थीहरुलाई अनुशासित तवरले आफ्नो रुची र क्षमताका कार्यक्रमहरुमा सहभागिता जनाउनका लागि अनुरोध गरेका थिए । विद्यालयले यही पुस २ गते शनिबारका दिन पूर्व उपप्रधानमन्त्री माननीय विष्णु प्रसाद पौडेलको प्रमुख आतिथ्यतामा मूल समारोह कार्यक्रम गर्नेछ ।

विद्यालयले मंसिर मसान्त सम्म आन्तरिक र बाह्य नगरस्तरीय विविध विधाका प्रतिस्पर्धात्मक प्रतियोगित्मक कार्यक्रम सञ्चालन गर्दैैछ । पुस १ गते “विद्यालय उमेर समूहका बालबालिकालाई लागु पदार्थ दुव्र्यसनीबाट बचाउ” भन्ने नाराका साथ कान्ति वाकाथन सञ्चालन गरिनेछ । सामाजिक उत्तरदायित्व अनुसार रहेर विद्यालयले पुस २ गते खुल्ला रत्तदान कार्यक्रम गर्ने विद्यालयका शिक्षक हुमराज भुसालले बताए ।