खोज

कपिलवस्तु, २६ मंसिर ।

कपिलवस्तुको तौलिहवामा वजाज डिस्करभर माईलेज च्याम्पियन कन्टेस्ट सम्पन्न भएको छ । तौलिहवा स्थित बुद्धपद्धम माविको खेल मैदानमा सम्पन्न च्याम्पियनको उपाधि टंक प्रसाद पाण्डेले जितेका छन् । वजाज डिस्कभर १२५ सिसीको बाईकमा ५० मिलिलिटर पेट्रोल राखिएकोमा उनले ४ किलोमिटर १ सय मिटर (८२ किलो मिटर प्रति लिटर) को एभरेजमा बाईक चलाएका थिए । उनी जस्तै समान एभरेजमा बाईक गुडाएका विनोद कुमार चौधरी गोलाप्रथाबाट दोस्रो भए । त्यसैगरी ८० किलोमिटरको एभरेजमा बाईक चलाएका ईरफान अहमद रंगरेजले तेस्रो पुरस्कार हात पारे ।

७९ जना सहभागी रहेको च्याम्पियन कन्टेस्टका बिजेतालाई नगर च्याबर अफ कमर्स तौलिहवाका अध्यक्ष गोपिकृष्ण शर्मा, बुद्धपद्धम माबिका प्राधानाध्यापक रामनिवास चौधरी, व्यवसायी तथा समाजसेवी खेम पाठक, वजाजका क्षेत्रिय प्रबन्धक प्रकाश शर्मा, वजाजको जिल्लाका आधिकारिक बिक्रेता केदारनाथ मोटरसाईकल पार्टसका प्रोपराईटर बिष्णु पाठक, सञ्चारकर्मी चन्द्रकान्त न्यौपाने लगायतले पुरस्कार हस्तान्तरण गरे । बिजयी राईडरलाई ट्रफि र आकर्षक पुरस्कार हस्तान्तरण गरिएको थियो । वजाज डिस्कभर १ सय २५ को माईलेज बारे ग्राहकलाई जानकारी दिन आयोजित कन्टेस्टमा उत्साहजनक रुपमा सम्पन्न भएको र बिजेताहरुले ८० किलोमिटर प्रतिलिटर बढिको माईलेजमा बाईक ड्राईभ गरेको वजाजका क्षेत्रिय प्रबन्धक प्रकाश शर्माले जानकारी दिए । गत भदौमा आयोजना गर्न खोजिएको माईलेज च्याम्पियन बर्षाका कारण अरुद्ध भए पनि आयोजित कन्टेस्टमा ग्राहकहरु उत्साहजनक रुपमा सहभागी भएको शर्माले बताए ।

नेपालमा वजाज कम्पनीको उत्पादनको डिस्कभर १ सय २५ सिसी बाईकको बिक्री सन् २००४ देखी शुरु भएको हो । पेट्रेलियमको मल्य बृद्धि बढने क्रम सँगै ग्राहकले बढि माईलेज र कम मेन्टिनेन्स खर्च आउने भएकाले डिस्कभर बाईक पहिलो रोजाई बनेको कन्टेस्टका आयोजक बताउछन । तराई भेगमा कम सिसी भएका मोटरसाईकल रुचाउनुका साथै कृषक, शिक्षक, साना ठुला व्यापारी, सरकारी, अर्घ सरकारी र गैरसरकारी संघ सस्थाका कर्मचारीले खोज्ने भएकाले बाईकको माग बढेको जनाईएको छ । सन् १९९८ मा हंसराज हुलास एण्ड कम्पनी प्रा.लि. ले भारतमा उत्पादित वजाज मोटरसाईकलको आधिकारीक बिक्री बितरण शुरु गरेको थियो ।