© २०२३
६ पुष २०८२, आइतबार
६ पुष २०८२, आइतबार
काठमाडौँ, २१ भदौ ।
नेकपा एमालेको जारी विधान महाधिवेशनमा नेता कर्ण थापाको फरक मतलाई प्रस्तुत गर्नबाट रोक लगाएको छ ।
शनिबार गोदावरीस्थित सनराइज हलमा आयोजित बैठकमा नेता थापा पूर्वराष्ट्रपति विद्यादेवी भण्डारीलाई पार्टी सदस्यता नदिएको निर्णयसहितको फरक मत सार्वजनिक गर्न मञ्चतर्फ उक्लिएका थिए ।
तर, पार्टी अध्यक्ष केपी शर्मा ओलीले फरक मतको प्रस्ताव सबै प्रतिनिधिलाई वितरण भइसकेकोले छुट्टै प्रस्तुति आवश्यक नरहेको बताउँदै थापालाई रोकेका थिए ।
पार्टी प्रचार विभाग प्रमुख राजेन्द्र गौतमका अनुसार अध्यक्ष ओलीले फरक मत समूहगत छलफलमा लैजान निर्देशन दिएकाले नेता थापा पनि फरक मत मञ्चमा प्रस्तुत नगर्ने सहमतिमा पुगेका हुन् ।
नेता गौतमले भने, “फरक मत छलफल गर्नबाट वञ्चित गरिएको होइन, केवल प्रस्तुत गर्ने प्रक्रिया वितरणमार्फत भइसकेकाले थप प्रस्तुति आवश्यक छैन भन्ने कुरा अध्यक्ष ओलीले थापालाई स्पष्ट पार्नुभएको हो ।”
पूर्वराष्ट्रपति विद्यादेवी भण्डारीलाई पार्टी सदस्यता नदिने निर्णयप्रति उपाध्यक्षद्वय युवराज ज्ञवाली, सुरेन्द्र पाण्डे र नेता कर्ण थापाले फरक मत राख्दै आएका छन् ।
© २०२३
सर्वाधिकार सुरक्षित
Design & Developed By:
