© २०२३
५ पुष २०८२, शनिबार
५ पुष २०८२, शनिबार
काठमाडौं, ६ साउन।
नेकपा एमालेका प्रचार विभाग प्रमुख राजेन्द्र गौतमले पूर्वराष्ट्रपति विद्यादेवी भण्डारीको राजनीतिक सक्रियतासम्बन्धी विषयमा पार्टीको केन्द्रीय कमिटी बैठकले महत्त्वपूर्ण निर्णय लिने सम्भावना रहेको बताएका छन्।
हिजोबाट सुरु भएको केन्द्रीय कमिटी बैठकमा भण्डारीको सम्भावित राजनीतिक भूमिकाबारे गम्भीर छलफल भइरहेको जानकारी दिँदै गौतमले आजको बैठकमा अध्यक्ष केपी शर्मा ओलीको सम्बोधनपछि कुनै निष्कर्षमा पुगिने अपेक्षा व्यक्त गरेका हुन्।
पूर्वराष्ट्रपति भण्डारी पार्टीको सक्रिय राजनीतिमा पुनः प्रवेश गर्ने, पार्टी सदस्यता लिने वा संगठित सदस्यताको व्यवस्था मिलाउनेबारे समेत विभिन्न धारणा उठाइएको गौतमले जानकारी दिए ।
संविधानको भाग–२८ धारा २६७ को २ को हवाला दिँदै गौतमले राष्ट्रपतिको पद बहाल गरिसकेको व्यक्तिले कुनै राजनीतिक दलमा संलग्न हुने विषय केवल प्राविधिक नभई संवैधानिक, राजनीतिक र संस्थागत अभ्याससँग जोडिएको गम्भीर प्रश्न भएको बताए।
गौतमका अनुसार, आजको दोस्रो दिनको बैठकमा ५८ जना सदस्यले आफ्ना धारणा राखेका छन् भने हिजो ४९ जनाले विचार प्रस्तुत गरेका थिए। अब बाँकी ७७ जनाले आफ्नो धारणा राखेपछि बैठक आजै सम्पन्न हुने जानकारी पनि उनले दिएका छन ।
© २०२३
सर्वाधिकार सुरक्षित
Design & Developed By:
