खोज

चन्द्रौटा (कपिलवस्तु), १० मंसिर ।

भनिन्छ ः “परिश्रम गरे फल अवश्य पाइन्छ” मंगल प्रसाद गुप्ता त्यसै अनुरुप करिब चार दशकदेखिको लामो संघर्ष गर्दै आएका एक उदाहरण हुन् । नेपाल कम्युनिष्ट पार्टी एमालेका केन्द्रीय सल्लाहकार सदस्य समेत रहेका गुप्ता पञ्चायतकालदेखि विभिन्न पार्टीबाट निर्वाचन लडे पनि पराजित हुँदै आएका थिए ।

गतवर्ष पुस ८ गते नेकपा एमालेमा प्रवेश गरेका उनी एक वर्ष पूरा नहुँदै टिकट पाएर कपिलवस्तु क्षेत्र नम्बर ३ बाट प्रतिनिधि सभा सदस्यका उम्मेदवार बने । एमाले उम्मेदवार बनेका गुप्ता यसपटक विजयी भएका छन् । गुप्ताले २२ हजार ६ सय १९ मत प्राप्त गरी विजयी भएका हुन् ।

सत्ता गठबन्धनको तर्फबाट उम्मेदवार बनेका कांग्रेसका अभिषेक शाहले १८ हजार ९ सय ८२ मत प्राप्त गरेका थिए । एमाले उम्मेदवार गुप्ताले ३ हजार ६ सय ३७ मतान्तरले गठबन्धनका उम्मेदवार शाहलाई हराएका हुन् । गुप्ताको अहिले निर्वाचनको जितपछि कपिलवस्तुमा पहिलोपटक सांसद बन्ने बाटो खुलेको छ ।

पञ्चायत कालदेखि संसदीय चुनाव लड्दै आएका गुप्ताले अहिले सम्म जित निकाल्न सकेका थिएनन् । तर अहिले एमालेबाट यो निर्वाचनमा भने उनको जित भएको हो । पञ्चायत, नेपाली कांग्रेस, मधेश केन्द्रित गरी विभिन्न ५ दलबाट पटक–पटक चुनाव हार्दै यहाँ सम्म आएका गुप्तालाई करिब एक वर्ष अगाडि बहादुरगञ्जमा नेकपा एमाले अध्यक्ष केपी ओलीले प्रवेश गराएका थिए । जीवनको उत्तराद्र्धमा पुगेका गुप्ताले यसपटक एमालेबाट चुनाव जितेर आफ्नो धोको पूरा गरेका छन् ।

कपिलवस्तु क्षेत्र नम्बर ३ बाट २०७४ को प्रतिनिधि सभा सदस्य निर्वाचनमा गुप्ताले दोस्रो स्थान हात पारेका थिए । नेपाली काँग्रेसका अभिषेक प्रताप शाहले २० हजार मत प्राप्त गरेर जित्दा उनले करिब १६ हजार मत प्राप्त गरेका थिए । पश्चिम कपिलवस्तुका लोकप्रिय नेता मंगल गुप्ता एमाले प्रवेशपछि एमाले झनै बलियो भएको छ । गुप्ताको नतिजाले अहिले त्यसलाई प्रमाणित समेत गरेको छ ।

लामो समय कपिलवस्तुमा राजनीति गरेका मंगल प्रसाद गुप्ता कांग्रेस, तमलोपा, फोरमबाट चुनावी प्रतिस्पर्धामा रहेका थिए । २०४७ र २०५६ मा नेपाली कांग्रेसबाट उम्मेदवार भएका उनी २०७० मा तमलोपा र २०७४ मा फोरमबाट लडेका थिए । तर सबै चुनावमा उनी थोरै मतले पराजित हुँदै आएका हुन् । छोराबुहारी अमेरिकामा रहेका ७४ वर्षीय गुप्ता पनि जाने आउने गर्दछन् । कपिलवस्तुको कृष्णनगर क्षेत्रमा लामो समय राजनीति गरेका उनको एमाले प्रवेशसँगै सो क्षेत्रमा एमाले बलियो छ ।

हालको निर्वाचन प्रकृया सुरु भएसँगै एमालेले उनलाई टिकट दिने कुरा टुंगिएको थियो । त्यो सँगै उनी प्रचारमा लागेका होम्मिएका थिए । चुनावी अभियानमा यहाँका बलियो उम्मेदवार मानिएका कांग्रेसका शाहले सहजै चुनाव जित्न सक्ने धेरैले आंकलन थिए । विभिन्न सर्वेक्षणले समेत शाहले निर्वाचन जित्ने आधार देखे पनि परिणाम भने उल्टो आएको छ ।

एमालेका नेता गुप्तासँग कांग्रेसका उम्मेदवार शाह चुनावी मैदानमा थिए । उम्मेदवार कांग्रेसका शाहलाई सत्ता गठबन्धनको बलियो साथ थियो । विभिन्न दलबाट लगातार तीन पटक निर्वाचित हुँदै आएका शाहलाई यस पटक हार बेहोर्नु प¥यो । शाह २०६४ र २०६९ मा मधेशवादी दलबाट जितेका थिए । उनी २०७४ सालमा कांग्रेसबाट जीत हात पारेका थिए । सत्ता गठबन्धनमा रहेका शेर बहादुर देउवा निकट मानिएका शाहलाई चौथो पटक चुनाव जितेर मन्त्री बन्ने प्रयासमा ब्रेक लागेको छ । शाह २०६४ मा तमलोपा, २०७० सालमा संघीय समाजवादी हुँदै २०७४ मा नेपाली कांग्रेस प्रवेश गरेर चुनाव लडेर जितेका थिए ।

कपिलवस्तुको शाह परिवारका सदस्य रहेका उनी अघिल्लो निर्वाचन अघि कांग्रेस प्रवेश गरेर चुनाव जितेका थिए । पार्टीको केन्द्रीय सदस्य बनिसकेका उनलाई अहिले भने पहिलो पटक नेकपा एमालेमा प्रवेशपछि टिकट ल्याउन सफल भई शाहको १७ वर्षे विरासत तोड्न सफल भए ।