Butwal Today

तीन घण्टी चोरीको अनुसन्धान गर्दा भेटिए ३५ थान

२९ आश्विन २०८३, बिहीबार
अ
अ+
अ-

चन्द्रौटा । कपिलवस्तुमा मन्दिरका घण्टी चोरी गरी बिक्री गरेको आरोपमा तीन जना पक्राउ परेका छन् । प्रहरीले भाँडा पसलबाट साना–ठूला गरी ३५ थान पित्तलका घण्टी बरामद गरेको हो । शुद्धोधन गाउँपालिका–२ नौडिहवास्थित दुर्गा मन्दिरबाट असोज २६ गते राति तीन वटा घण्टी चोरी भएका थिए । घटनाबारे जानकारी पाएपछि प्रहरीले अनुसन्धान थालेको जिल्ला प्रहरी कार्यालय कपिलवस्तुका सूचना अधिकारी प्रहरी नायब उपरीक्षक रिपेन्द्र कुमार सिंहले जनाए । घटनामा संलग्न भएको आरोपमा शुद्धोधन–१ बगदीका १८ वर्षीय इबरार अहमद मुसलमान (खान) लाई स्थानीयले नियन्त्रणमा लिएका थिए । प्रहरीले उनलाई थप अनुसन्धानका लागि इलाका प्रहरी कार्यालय पकडी पठाएको थियो ।

प्रहरी नायब उपरीक्षक सिंहका अनुसार सोधपुछका क्रममा चोरीका घण्टी शुद्धोधन–३ लवनीस्थित ऋषि भाँडा पसलमा बिक्री गरिएको पाइएको छ । प्रहरीले शुद्धोधन–२ भुसुडीका २५ वर्षीय चन्द्रप्रसाद यादव र पसल सञ्चालक दिनेश कुमार कान्दुलाई पनि नियन्त्रणमा लिएको छ । घटनामा संलग्न भएको आरोप लागेका अर्का एक जना फरार छन् । घटनाबारे थप अनुसन्धान भइरहेको प्रहरीले जनाएको छ ।

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

बूढीगण्डकी बाढीः पाँच दिनपछि बाटो खुल्यो

एकैपटक एक हजार २९६ सशस्त्र प्रहरी जवान दीक्षित

दाङमा दुई वटा मोटरसाइकल एक आपसमा ठोक्किदा एकको मृत्यु दुई जना घाइते

दशैं–तिहार लक्षित गर्दै रोल्पामा घरेलु मदिराविरुद्ध अनुगमन तीव्र, २४९ लिटर मदिरा नष्ट

मनकामना सामुदायिक वनद्वारा ९ करोड १४ लाख बढीको बजेट प्रस्तुत

उदयपुरमा बस दुर्घटनामा एकको मृत्यु, १६ जना घाइते

बुद्धको शान्ति सन्देश फैलाउँदै लुम्बिनीबाट निग्रोधारामसम्म थाई भिक्षुहरूको पैदलयात्रा

दसैं हराएको अमरपथ बजार