सामग्री खोज्नुहोस्

नयाँदिल्ली ।

पाकिस्तानको हवाई क्षेत्र प्रतिबन्धको बीचमा भारतीय एयरलाइन्सका लागि वैकल्पिक मार्गका रूपमा सिन्जियाङ हवाई क्षेत्र अन्वेषण गर्न भारतले चीनसँग वार्ता गरिरहेको स्रोतले बताएका छन् । स्रोतकाअनुसार भारत सरकारले चीनसँग हवाई क्षेत्रबारे वार्ता गरिरहेको छ । पाकिस्तानले हवाई क्षेत्रमा लगाइएको प्रतिबन्धलाई कम गर्न भारत सरकारले चीनको सिन्जियाङको होतानमाथि हवाईमार्ग खोजिरहेको जनाइएको छ ।

विदेश मन्त्रालयले आफ्ना समकक्षीसँग सम्बन्धित विषयमा लामो समय देखि कुराकानी गरिरहेकोसमेत स्रोतले बताएको छ ।

पाकिस्तान विमानस्थल प्राधिकरण (पिएए) ले जारी गरेको सुचना (नोटिस टु एयरमेन) लाई उद्धृत गर्दै पाकिस्तानले भारतीय विमानका लागि आफ्नो हवाई क्षेत्र प्रतिबन्ध थप अक्टोबर २४ सम्म विस्तार गरेपछि यो कदम चालिएको हो । यसअघिको जानकारी अनुसार सेप्टेम्बर २४ मा प्रतिबन्ध समाप्त हुने निर्धारित गरिएको थियो ।

जम्मु–कश्मीरको पहलगाममा भएको घातक आतङ्कवादी आक्रमणपछि, सन् २०२५ अप्रिलदेखि पाकिस्तानको हवाई क्षेत्र बन्द छ, जसले भारतलाई वैकल्पिक उडान मार्ग खोज्न प्रेरित गरेको छ ।

अप्रिल २२ मा जम्मु–कश्मीरको पहलगाममा पाकिस्तानद्वारा आतङ्कवादी आक्रमण भएपछि हवाई क्षेत्रमा गतिरोध सुरु भएको थियो । जवाफमा, भारतले अप्रिल ३० देखि सैन्य उडानहरूसहित सबै पाकिस्तानद्वारा सञ्चालित, पाकिस्तानको स्वामित्वमा रहेका वा भाडामा लिएका विमानलाई भारतीय आकाशमा प्रवेश गर्न प्रतिबन्ध लगायो ।

सन् २०२५ अप्रिलमा पहलगाममा भएको आतङ्कवादी आक्रमणमा २६ जनाको मृत्यु भएको घटनाको प्रतिक्रियामा भारतले अपरेसन सुरु गरेको थियो । यो आक्रमण पाकिस्तान समर्थित आतङ्ककारीले गरेका थिए जसले नागरिकलाई उनीहरूको धर्मको बारेमा सोधेर लक्षित गरेका थिए । यो आक्रमणलाई भारतमा साम्प्रदायिक तनाव फैलाउने प्रयासको रूपमासमेत हेरिएको थियो ।

आतङ्वादका अपराधी र योजनाकारलाई सजाय दिन र आतङ्वादी शिविर र प्रशिक्षण सुविधा नष्ट गर्न भारतले चलाएको ‘अपरेसन’अन्तर्गत पाकिस्तान र पिओजेकेमा आतङ्कवादी पूर्वाधारलाई लक्षित गरेको थियो । पाकिस्तानले तनाव बढाएपछि भारतले आफ्ना हवाई अड्डाहरू ध्वस्त पार्यो जसले गर्दा युद्धविराम गर्न बाध्य तुल्यायो । पहलगाम आतङ्कवादी हमलामा संलग्न तिनै आतङ्कारी सेना, सिआरपीएफ र जम्मु–कश्मीर प्रहरीले अपरेसनमा मृत्युवरण गरेका थिए ।