© 2026
२७ श्रावण २०८३, बुधबार
२७ श्रावण २०८३, बुधबार
काठमाडौं । विशेष अदालतले व्यवसायी दीपक भट्ट र शुलभ अग्रवाललाई सम्पत्ति शुद्धीकरणसम्बन्धी दोस्रो मुद्दामा पनि पुर्पक्षका लागि थुनामा पठाउने आदेश दिएको छ। विशेष अदालतका अध्यक्ष बासुदेव आचार्य तथा सदस्य हेमन्त रावलको इजलासले दुवै जनाको बयान र थुनछेक बहसपछि उनीहरूलाई पुर्पक्षका लागि थुनामा पठाउने आदेश दिएको हो। भट्ट र अग्रवाल यसअघि नै सम्पत्ति शुद्धीकरणसम्बन्धी अर्को मुद्दामा थुनामा रहेका थिए।
सोही प्रकरणमा पक्राउ परेका पूर्वअर्थमन्त्री विष्णु पौडेललाई भने अदालतले साधारण तारिखमा रिहा गर्ने आदेश दिएको बताइएको छ। भट्ट, अग्रवाल, पौडेललगायतविरुद्ध सम्पत्ति शुद्धीकरणसम्बन्धी मुद्दा दायर भएको थियो। पछिल्लो आदेशसँगै भट्ट र अग्रवालविरुद्धको कानुनी प्रक्रिया थप अघि बढ्ने भएको छ। पुर्पक्षका लागि थुनामा पठाउने आदेश दोषी ठहर भएको अन्तिम फैसला भने होइन। मुद्दाको सुनुवाइ तथा प्रमाण परीक्षणपछि मात्र अदालतले अन्तिम फैसला गर्नेछ।
© 2026
All rights reserved.
Design & Developed By:
