Butwal Today

मौन अवधिमा आचारसंहिता पालना गर्न अनुरोध

बुटवल टुडे
१९ फाल्गुन २०८२, मंगलवार
अ
अ+
अ-

लुम्बिनी ।

यही फागुन २१ गते हुने प्रतिनिधिसभा सदस्य निर्वाचनको मौन अवधिमा आचारसंहिता पालना गर्न रुपन्देही प्रशासनले आग्रह  गरेको छ ।

निर्वाचन आचारसंहिता, २०८२ बमोजिम गए राति १२ः०० बजेदेखि लागू हुने गरी मौन अवधि सुरु भएकाले निर्वाचन प्रचारप्रसारलगायत कुनै पनि प्रकारका छलफल, अन्तर्क्रिया, सभा, सम्मेलन, कार्यशाला गोष्ठीलगायत कार्यक्रम गर्न नपाइने गरी रोक लगाइएको रुपन्देहीका सहायक प्रमुख जिल्ला अधिकारी तथा निर्वाचन आचारसंहिता अनुगमन अधिकृत मातृका आचार्यले जारी गरेको सूचनामा जनाइएको छ ।

यस्तै मतदान हुने दिनको ४८ घण्टा अगाडि मतदान स्थलको ३०० मिटर वरिपरि राखिएका राजनीतिक दल वा उम्मेदवारका प्रचारप्रसार सामग्री हटाउन र कुनै पनि विधि, प्रक्रिया वा माध्यमबाट मत माग्न र निर्वाचन प्रचारप्रसार गर्न नहुने गरी रोक लगाइएको सूचनामा उल्लेख गरिएको छ ।

उक्त सूचनामा सामाजिक सञ्जाल अनलाइन, छापा वा अन्य कुनै माध्यमबाट राजनीतिक दल वा उम्मेदवार पक्ष वा विपक्षमा कुनै सन्देश, सूचना वा प्रचारप्रसारका सामग्री पोस्ट वा सेयर गर्न वा गराउन वा प्रतिक्रिया दिन नहुने गरी रोक लगाइएको समेत जनाइएको छ । रासस

यो खबर पढेर तपाईलाई कस्तो महसुस भयो ?

प्रतिक्रिया दिनुहोस्

सम्बन्धित खबर

रुद्रवेणी–वामीटक्सार–खर्बाङ सडक एक महिना बन्द हुने

साहको नाम कालोसूचीमा राख्ने निर्णय कार्यान्वयन नगर्न आदेश

मुलुकको राजनीतिक परिवर्तनमा महिलाको योगदान महत्वपूर्ण छः पूर्वराष्ट्रपति भण्डारी

समानुपातिकतर्फको सिट सङ्ख्या सार्वजनिक

अब प्रति सिलिण्डर आधा ९५५ मा बिक्री वितरण गरिने

अर्थमन्त्री र निजी क्षेत्रका प्रतिनिधिबिच छलफल

बढ्न थाल्यो सहरी क्षेत्रमा तापक्रम

चितवन राष्ट्रिय निकुञ्जमा पोखरी निर्माण र मर्मत