© २०२३
२२ कार्तिक २०८२, शनिबार
२२ कार्तिक २०८२, शनिबार
काठमाडौँ ।
सर्वोच्च अदालतले प्रतिनिधि सभा विघटनविरुद्ध दायर भएका रिट निवेदनहरू दर्ता गरेको छ । तीमध्ये दस वटा रिटमाथि कात्तिक १२ गते सुनुवाइका लागि पेसी तोकिएको छ । सुनुवाइ सर्वोच्च अदालतको संवैधानिक इजलासमा हुने तय भएको छ ।
सरकार गठन प्रक्रिया र प्रतिनिधि सभा विघटन खारेज गर्न माग गर्दै मंगलबार मात्र १० वटा रिट सर्वोच्चमा दर्ता भएका थिए । बुधबारसम्म आइपुग्दा रिटको संख्या १३ पुगेको भए पनि तीमध्ये १० वटा मात्रै दर्ता भएको सर्वोच्च अदालतका प्रवक्ता अर्जुनप्रसाद कोइरालाले जानकारी दिए ।
उनका अनुसार, “१३ वटा रिट आइपुगेका हुन् । तर तीमध्ये १० वटा मात्रै प्रक्रिया पूरा भएर दर्ता भएका छन् । बाँकी तीन वटा रिट प्रक्रिया नपुगेकाले दर्ता हुन बाँकी छन् ।”
गत भदौ २४ गते जेनजी आन्दोलनका क्रममा सर्वोच्च अदालतमा क्षति पुगेपछि बन्दी प्रत्यक्षीकरण र अत्यावश्यक प्रकृतिका मुद्दाबाहेक अन्य रिट दर्ता तथा सुनुवाइ बन्द गरिएको थियो ।
मंगलबारदेखि अदालतले पुनः रिट निवेदन दर्ता र सुनुवाइ प्रक्रिया सञ्चालन गरेपछि प्रतिनिधिसभा विघटनविरुद्ध व्यापक रूपमा रिट दर्ता हुन थालेका छन् ।
© २०२३
सर्वाधिकार सुरक्षित
Design & Developed By:
