खोज

चन्द्रौटा , २२ माघ ।

शिवराज नगरपालिका वडा नम्बर ३ का वडा अध्यक्ष टेकलाल सापकोटाले शिक्षालाई जीवनोपयोगी बनाउनु आवश्यक रहेको बताएका छन्। कपिलवस्तुको ३ नम्बर वडा खरेन्द्रपुरमा आयोजित सरस्वती पूजा तथा अक्षराम्भ कार्यक्रमलाई सम्बोधन गर्दै उनले यस्तो बताएका हुन्।

सैद्धान्तिक ज्ञान मात्रै नभएर व्यवहारिक ज्ञान समेत हुन आवश्यक रहेको जनाउँदै भान्सको पनि हुन आवश्यक रहेको सापकोटाले बताए। छोटो समयावधिमा अक्सफोर्ड इंग्लिश बोर्डिङ स्कूलले प्रभावकारी विद्यार्थी जुटाउन सफल भएको उनले बताए। विद्यार्थी असर नपुग्नेगरी घरमा घरायसी काममा समेत लगाई व्यवहारमा उर्तानुपर्नेमा अध्यक्ष सापकोटाले बताए।

वडा अध्यक्ष सापकोटाले विद्यार्थीलाई केवल किताबी ज्ञान मात्रै नभई व्यवहारिक सीपको समेत जरुरी रहेको बताए। उनले भने, “शिक्षा भनेको केवल परीक्षा पास गर्नका लागि मात्र होइन, जीवन जिउनका लागि हो। विद्यार्थीहरूलाई भान्से ज्ञान, घरायसी कार्य, आत्मनिर्भरता र सामाजिक उत्तरदायित्वबारे पनि सिकाउनुपर्छ।” विद्यालय सञ्चालन भएको २ बर्ष भएपनि लामो समय सञ्चालन भएको जस्तो विद्याथीहरुलाई संस्कृति र संस्कारसँगै व्यवहारिक ज्ञान प्रदान गरेको प्रशंसा समेत उनले गरे।

विद्यालयका प्रधानाध्यापक दिनेश भट्टराईले पनि व्यवहारिक शिक्षाको महत्वलाई स्वीकार्दै भने, “हाम्रो विद्यालयले विद्यार्थीलाई व्यावसायिक तथा व्यवहारिक सीप सिकाउने प्रयास गरिरहेको छ।” उनले विद्यार्थीहरूलाई जीवनोपयोगी सिप प्रदान गर्न विभिन्न तालिमहरू सञ्चालन गर्ने योजना रहेको जनाए। आगामी दिनमा प्रभावकारी ढंगले फरक तरिकाले विद्यालयलाई अघि बढाउने उनको भनाइ छ।

कार्यक्रममा स्थानीय अभिभावक, विद्यालयका शिक्षक–शिक्षिका तथा विद्यार्थीहरूले समेत कार्यक्रमलाई सम्बोधन गर्दै नृत्य, निवन्ध, रचना लगायत प्रस्तुति राखेको र स्कूल सञ्चालन भए यता प्रति महिना लागु गरिएको अनुशासन पालना गरेका दर्जनौँ विद्यार्थीलाई सम्मान गरिएको विद्यालयले जनाएको छ। सोमबार सरस्वती पूजाका अवसरमा विद्यार्थीहरूले विविध सांस्कृतिक कार्यक्रम प्रस्तुत गरेका थिए भने अभिभावकहरूले विद्यालयको शिक्षण पद्धतिप्रति सकारात्मक प्रतिक्रियासमेत जनाएका थिए।