खोज

बुटवल ,२७ मंसिर ।
नेपाल पत्रकार महासंघ रुपन्देहीको उपाध्यक्ष(खुल्ला)मा विश्वास ढकाल निरविरोध निर्वाचित भएका छन । यो भन्दा पहिला पनि उपाध्यक्ष रहेका ढकाल प्रतिस्पर्धी प्रकाश पाण्डेले उम्मेद्बारी फिर्ता लिएर निरविरोध निर्वाचित भएका हुन ।
रुपन्देही शाखाको अध्यक्षमा भने ३ जनाको उमेद्बारी परेको छ । प्रेस चौतारी र युनियको साझा प्यानलबाट दिनेश पाण्डे चुनावि मैदानमा छन् भने समाजवादी प्रेस संगठनका विनोद परियार र यो भन्दा पहिला उपाध्यक्ष महिला०रहेकी अमृता पाण्डे अनमोलले यो पटक अध्यक्षमा उमेद्बारी दर्ता गरेकी छिन् ।

जिल्ला शाखा अधिवेसनको उपाध्यक्ष महिला पदमा उषादेवी पन्थ, माया केसी र मिना पाण्डे(अस्मीना) चुनावि मैदानमा छन् ।यस्तै सचिव पदमा सीपी खनाल र कविराज अधिकारी चुनावी मैदानमा रहेका हुन । पन्थ सञ्चारिका समुहको अनलाईन महिला आवाजमा काम गर्छीन् भने केसी बुटवल टुडे पत्रिकामा काम गर्दै आएकी छिन् । यस्तै पाण्डे रेडियो मुक्ती, हाम्रो प्रयास डटकम र लुम्बिनी टीभीमा काम गर्दछिन् ।
यस्तै सह सचिव पदमा झविन्द देवकोटा, टेकराज भुषाल चुनावि मैदानमा छन् । देवकोटा विगत दुई दशक देखि पत्रकारितामा सक्रिय छन् । उनि बुटवल एफएम, तिलोत्तमा पत्रिकामा काम गर्दछन् । यता भुषाल भने पत्रकारिता भन्दा पनि राजनीतिमा सक्रिय व्याक्ति हुन ।
सह सचिव समावेशीमा सुमन श्रेष्ठ, राधेश्याम विश्वकर्मा र सुनिता चँदाली मैदानमा छन् । श्रेष्ठ खस्यौली एफएमका स्टेशन प्रमुख सहित त्यहा कार्यक्रम समेत चलाउँछन्,विश्वकर्मा भैरहवाबाट एपीवान् टेलिभिजनमा काम गर्छन ।

कोषाध्यक्ष पदमा नरेश केसी र सञ्जय विश्वकर्मामा चुनावि मैदानमा रहेका छन् । केसी भैरहवामा रहेको समता टेलिभिजनको प्रमुख हुन भने विश्वकर्मा यो भन्दा पहिला पनि कोषाध्यक्ष थिए ।
सदस्य तर्फ महिला रुबीना थापा, अनिता चौधरी चुनावी मैदानमा छन् । रुविना थापा भैरहवाको लुम्बिनी खबरमा काम गर्दछिन् भने अनिता चौधरी रेडीयो सैनामैनाको स्टेशन प्रमुख बाट राजीनामादिएर निस्क्रीय रुपमा बसीरहेकी छिन् ।

दलित सदस्यमा कृष्ण रणपाल, टक बहादुर सुनारले उमेद्बारी दिएका छन, रणपाल दैनिक पत्र पत्रिकाका विज्ञापन शाखा प्रमुख हुन भने सुनार लुम्बिनी विकास कोषमा उपाध्यक्षको सचिवाललयमा काम गर्दछन् । दुबै जना पत्रकारितामा सक्रिय छैनन् ।
आदीबासी जनजाती सदस्यमा नरेश चौधरी र सनु थापा ले उमेद्बारी दिएका हुन । चौधरी रेडियो टाईम्स सैनामैनाका स्टेशन प्रमुख हुन् भने थापा हाल पत्रकारिता भन्दा पनि गैरसरकारी संस्थामा क्रियाशिल छन् ।
यस्तै मधेसी सदस्यमा झब्बर यादव, हृदयराम गुप्ता ले उम्द्बारी दिएका छन् ।
अन्य समावेशीमा भने गोविन्द बहादुर घर्ती निरविरोध निर्वाचित भएका छन् । सदस्यहरुमा ८ पदमा १९ जनाले उमेद्बारी दिएका छन् ।