खोज

बुटवल, १६ मंसिर ।

ग्याष्ट्रो सेन्टर प्रालि बुटवलले एक बर्षमा २ हजार ५ सय ८७ जनाको सफल उपचार गरेको छ । प्रथम बार्षिक उत्सवको अवसरमा आइतबार बुटवलमा आयोजित पत्रकार सम्मेलनमा प्रालिका डा. मोहन भुसालले स्थापनाको पहिलो बर्ष संस्थाको उद्देश्य अनुसार सफल भएको जानकारी दिए ।

एक बर्षमा उपचार भएका विरामीहरु मध्ये ३ सय ५ जनालाई निःशुल्क रुपमा सेवा प्रवाह गरेको डा. भुसालको भनाई रहेको छ । एक बर्षमा ७८ जना विरामीमा क्यान्सर समेत देखिएको कारण उपचार समेत गरिएको प्रालिले जनाएको छ । प्रालिले ४० वर्ष उमेर पुगेका मानिसले अनिवार्य क्लोनोस्कोप ी गर्न सुझाव समेत दिएको छ ।

यसको साथै प्रालिले सामाजिक उत्तरदायित्व अभियान अन्तर्गत रुपन्देहीको देवदह, अर्घाखाँचीको शितगंगा र गुल्मीको भार्सेमा निःशुल्क स्वाथ्य शिविर समेत सञ्चालन गरेको थियो ।

प्रालिका सञ्चालक राम प्रसाद अर्यालका अनुसार शिविरबाट १ हजार २ सय ४८ जनाले सेवा लिएका थिए । शिविरमा आएका ९२ जना विरामीको निःशुल्क रुपमा इन्डोस्कोपी समेत गरिएको छ ।

यस्तै प्रालिको प्रथम स्थापना दिवसको अवसरमा लिभरको जाँचमा ४० प्रतिशत छुट र ओपीडी टिकट, ल्याब लगायतका १० प्रतिशत छुटको समेत व्यवस्था गरिएको प्रालिका सञ्चालक युवराज दिशा मगरले जानकारी दिए ।