खोज

 काठमाडौं,२६ वैशाख।

भारत र पाकिस्तानबीच बढ्दो तनावका बीच भारतको रक्षा मन्त्रालयले सबै सञ्चार माध्यम, डिजिटल प्लेटफर्म तथा व्यक्तिहरूलाई सुरक्षा गतिविधिको प्रत्यक्ष प्रसारण (लाइभ कभरेज) नगर्न स्पष्ट निर्देशन दिएको छ। मन्त्रालयले संवेदनशील वा स्रोतमा आधारित जानकारी सार्वजनिक गर्दा सैन्य कारबाही प्रभावित हुने र सर्वसाधारणको ज्यान समेत खतरामा पर्न सक्ने भन्दै सतर्कता अपनाउन आग्रह गरेको हो।

मन्त्रालयले कारगिल युद्ध, मुम्बई हमला (सेप्टेम्बर २६), र कन्दार अपहरणजस्ता विगतका घटनामा अनियन्त्रित रिपोर्टिङका कारण सिर्जिएका सुरक्षाजन्य जोखिमहरूलाई उदाहरणस्वरूप प्रस्तुत गर्दै सञ्चार माध्यमहरूलाई जिम्मेवार बन्न आह्वान गरेको छ।

साथै, भारतको केबल टेलिभिजन नेटवर्कसम्बन्धी कानुनको उल्लेख गर्दै मन्त्रालयले आतंकवादविरुद्धको अभियान चलिरहेको अवस्थामा केवल आधिकारिक स्रोतबाट प्राप्त सूचनाहरू मात्र प्रसारण गर्नुपर्ने स्पष्ट पारेको छ। कुनै पनि सुरक्षासम्बन्धी विवरण आधिकारिक पुष्टि नभएसम्म गोप्य राख्न आग्रह गर्दै मन्त्रालयले भनेको छ, “राष्ट्रको सेवामा उच्चतम् मानक बनाउँदै कभरेज गर्दा सतर्कता, संवेदनशीलता र जिम्मेवारी पालना गर्नुहोस्।”