खोज

पाल्पा, १२ बैशाख ।
सामुदायिक विद्यालयमा विद्यार्थीलाई नियमित लागू गरिएको दिवा खाजा तानसेन नगरका सामुदायिक विद्यालयमा प्रभावित बन्न पुगेको छ । नगर भित्रका ४९ वटा सामुदायिक विद्यालयहरूको ३ हजार ३० जना विद्यार्थीको विगत ३ महिना देखि संघीय सरकारबाट उपलब्ध भएको खाजा वापतको रकम नगर शिक्षाबाट रोकिएको छ । नगर शिक्षा प्रमुख कोपिला न्यौपानेका अनुसार प्रत्येक ४/४ महिनामा विद्यार्थीको संस्था प्रमाणित गरेर विद्यालयले प्रमाणित गरेर पठाएपछि नगरपालिकाले रकम निकासा दिने हो तर पछिल्लो चौमासिक समयमा प्रत्येक विद्यालय संग प्रमाणित विद्यार्थीको हाजिर माग गरिएकोमा ४२ वटा विद्यालयले फारम नपठाउँदा रोकिन पुगेको हो ।

संघीय सरकारबाट १६ लाख ४४ हजार १ सय ९५ र स्थानीय सरकारको थप प्रति ५ रूपैयाँका दरले ५ लाख ४८ हजार रूपैयाँ विद्यार्थीको संख्याका आधारमा विद्यालयको खातामा जम्मा हुँदै आएको थियो । पछिल्लो चौमासिकको विवरण पठाउने समयमा शिक्षकको आन्दोलनका कारण प्रभावित हुन पुगेको हो । विद्यार्थीको परिक्षाफल प्रकाशित हुन सकेन । स्थानीय निकायले संचालन गरेको कक्षा आठको परिक्षाफल हाल सम्म प्रकाशित हुन नसक्दा विद्यार्थीमा अन्योलता उत्पन्न भएको छ । शिक्षा समन्वय इकाइका अनुसार शिक्षकहरूको आन्दोलनका कारण कक्षा ८ को परिक्षाफल प्रकाशित हुन सकेको छैन । कक्षा आठको परिक्षा स्थानीय तहले संचालन गरेको हो । शिक्षक आन्दोलनका कारण यस वर्षमा सामुदायिक भर्ना अभियानमा समेत असर हुन पुगेको छ । जिल्लामा संचालित शिक्षण संस्थाहरू मध्य ४ सय २८ संस्थागत विद्यालयहरू रहेका छन् । गत शैक्षिक सत्रमा कक्षा १ देखि ५ सम्म ९६ प्रतिशत र कक्षा १ देखि ८स म्म खद भर्ना दर ९५.७ प्रतिशत थियो । त्यसैगरी बाल बिकासमा ७५ प्रतिशत भर्ना दर भएको कार्यालयले जनाएको छ ।