© २०२३
४ आश्विन २०८१, शुक्रबार
४ आश्विन २०८१, शुक्रबार
काठमाडौं, मंसिर ५ ।
प्रतिनिधि सभाको १ सय ६५ निर्वाचन क्षेत्रमध्ये ३० वटा निर्वाचन क्षेत्रमा मतगणना भइरहेको निर्वाचन आयोगले जनाएको छ।
आयोगको संयुक्त निर्वाचन परिचालन केन्द्र (जेईओसी)को विवरण अनुसार अहिले ३० वटा निर्वाचन क्षेत्रमा गणना भइरहेको हो।
तीमध्ये भक्तपुर २ मा मतगणना केहीबेर स्थगित भएको थियो। सदर र बदर मतबारे विवाद हुँदा मतगणना स्थगित भए पनि सर्वदलीय समझदारीपछि गणना सुरू गरिएको जेईओसीले जानकारी दिएको छ।
यता, इलाममा पनि प्रतिनिधि सभाको मतपत्र प्रदेश सभाको बाकसमा खसेपछि मतगणना हुन सकेको थिएन। अहिले मतगणनाका लागि सर्वदलीय बैठक बसिरहेको छ। सर्वदलीय बैठकमा प्रदेश सभाको बाकसमा खसेका करिब १ सय मतपत्र प्रदेशतर्फै गणना हुने सहमति भएको छ।
बाँकी रहेका क्षेत्रमा पनि आजै मतगणना गर्ने तयारी भइरहेको छ।
© २०२३
सर्वाधिकार सुरक्षित
Design & Developed By:
