खोज

बुटवल, १९ पुस । क्रिकेट खेल र खेलाडीलाई प्रोत्साहन गर्ने उदेश्यका साथ रुपन्देहीमा सम्पन्न पृथ्वी कप २०८१ खुला टेनिस बल क्रिकेट प्रतियोगिताको उपाधि लुम्बिनी नवयुवाले चुमेको छ । शनिबार भएको फाईनल खेलमा ग्राण्ड कस्मोलाई ५ बिकेटले पराजित गर्दै लुम्बिनी नवयुवाले उपाधि चुमेको हो । उपाधिसंगै उसले नगद १ लाख रुपैया, कप, मेडल, प्रमाणपत्रबाट पुरस्कृत भयो। उपविजेता कास्मो भने नगद ५० हजार रुपैया, कप, मेडल, प्रमाणपत्रमा चित्त बुझायो ।

प्रतियोगितामा गोलपार्क क्रिकेट क्लबका बिक्रम गौतम प्लेयर अफ दी सिरिज, ग्राण्ड कास्मोका रमजाद अलि उत्कृष्ट ब्याट्सम्यान, गोलपार्क क्रिकेट क्लबका बिक्रम गौतम घोषित हुँदै पुरस्कृत भए ।

बुटवल उपमहानगरपालिकाको सहयोगमा पृथ्वी नारायण शाह स्पोट्र्स प्रतिष्ठानको आयोजनामा बुटवल १६ स्थित नरेनापुर क्रिकेट मैदानमा भएको फाईनल खेलमा टस जितेर ग्राण्ड कास्मोले निर्धारण २० ओभरमा ७५ रन बनाएको थियो । कोस्मोका ईन्द्रजित यादवले ३६ तथा प्रदिप जैसवालले १९ रनबाहेक अन्य ब्याट्सम्यान दोहोरो अंक जोड्न सकेनन । कम स्कोरमा रोक्न लुम्बिनीका अहमद हुसैनले ३ तथा प्रदिप जैसवालले २ विकेट लिए । झिनो लक्ष्यलाई पछ्याएको लुम्बिनी नवयुवाले ५ विकेटको नोक्सानीमा केवल १४.२ ओभरमा जित निकाल्यो । लुम्बिनीका एजाज अहमदले २९ तथा प्रदिप जैसवालले १६ रनको नटआउट पारी खेले । कोस्मोका अमित पाठकले २ बिकेट लिए । खेलमा लुम्बिनीका अहमद हुसैन म्यान अफ दी म्याचबाट पुरस्कृत भए ।

एक कार्यक्रमका बिच नगर खेलकुद विकास समितिका संयोजक बोनिन पिया, सदस्य सरोज सिह, खेलकुद पत्रकार मंच रुपन्देहीका अध्यक्ष सुमन अधिकारी, प्रतिष्ठानका अध्यक्ष निरजप्रताप खाडले विजेता, उपविजेता टिम तथा उत्कृष्ट खेलाडीहरुलाई पुरस्कार वितरण गरे ।
कार्यक्रममा नगर खेलकुद विकास समितिका संयोजक बोनिन पियाले क्रिकेटको क्रेज बढेको तर पुर्वाधारको अभाव रहेको स्विकार्दै क्रिकेटको खेलकै विशिष्टिकृत मैदान निर्माण गर्ने गरि बुटवल १६ स्थित नरेनापुर मैदानलाई बजेट बिनियोजन गरिएको बताए । यो वर्ष डिपिआर गर्न ५० लाख रुपैया बजेट बिनियोजन भएको छ । उनले भने। स्थानिय पालिका खेल गतिविधिसंगै पुर्वाधारमा विशेष चासो दिएको उनले बताए ।

कार्यक्रममा प्रतिष्ठानका अध्यक्ष निरजप्रताप खाडले क्रिकेटमा पुर्वाधार अभाव रहेको बताए। स्थानिय पालिकाबाट कार्यविधि तयार गर्न नसक्दा धेरै समस्या भएको उनले दुखेसो गरे। मैदान तयारीकै क्रममा ५० हजार रुपैया बढि खर्च भएको उनले बताए । पुस १९ देखि शुुरु भएको प्रतियोगितामा १३ टिमहरुले भाग लिएको खेल संयोजक राजु रानाले बताए ।