© २०२३
६ माघ २०८१, आईतवार
६ माघ २०८१, आईतवार
सिड्नी ।
अस्ट्रेलियाको सिड्नीमा एक जना नेपाली नर्सको मृत्यु भएको छ। ३९ वर्षीया दीक्षा दाहालको पारामट्टा अपार्टमेन्टको सातौँ तलाबाट खसेर मृत्यु भएको हो।
यो घटना ५ जनवरी, २०२५ का राति १:४५ बजे भएको बताइएको छ। प्रहरीले घटनास्थलमा पुगेपछि दीक्षाको मृत्यु भएको पुष्टि गरेको छ। दीक्षा केही समयअघि नेपाल आएर ४० वर्षका लबिन्द्र सुवेदीसँग विवाह गरेकी थिइन्।
घटनाको अनुसन्धानमा खुलासा भएको छ कि घटनाको दुई घन्टा अघि दीक्षाको फ्लाटबाट आकस्मिक सेवामा फोन गरिएको थियो। त्यसको केही समयपछि, एक प्रत्यक्षदर्शीले दीक्षालाई बाल्कोनीमा झुन्डिरहेको देखेपछि मद्दतका लागि १०० नम्बरमा फोन गरेका थिए। फोन गरेको एक मिनेटमै प्रहरी घटनास्थलमा पुगेको थियो, तर प्रहरी पुग्दा दीक्षा बाल्कोनीबाट खसिसकेकी थिइन्।
प्रहरीले लबिन्द्र र अपार्टमेन्टका अन्य बासिन्दासँग सोधपुछ गरिरहेको छ। घटनाको कारण झगडा थियो भन्ने आशंका गरिएको छ। यसअघि पनि डिसेम्बर महिनामा दीक्षा र लबिन्द्र बीच झगडा भएको बेला प्रहरी घटनास्थलमा पुगेको थियो।
यस घटनामा अहिलेसम्म कुनै अभियोग लगाइएको छैन र प्रहरीले अनुसन्धान जारी राखेको छ।
© २०२३
सर्वाधिकार सुरक्षित
Design & Developed By:
