खोज

बुटवल, २२ पुस । बुटवल सुनचादी ब्यवसायी संघ रुपन्देहीको चौथो÷पाचौ साधारण सभा तथा दोस्रो अधिवेसनको अवसरमा आयोजना गरिएको फुटसल प्रतियोगिताको उपाधि तिलोत्तमा सुनचादी टिमले चुमेको छ । सोमबार भएको फाईनलमा मनोभाव एफसी बुटवललाई ३–१ गोल अन्तरले पराजित गर्दै तिलोत्तमाले उपाधि चुमेको हो । उपाधिसंगै तिलोत्तमाले नगद १५ हजार, कप, मेडल, प्रमाणपत्र हात पारेको छ ।

उपविजेता बुटवल भने नगद १० हजार, कप, मेडल, प्रमणपत्रमा चित्त बुझायो । प्रतियोगितामा कुशल सुनार उत्कृष्ट गोलकिपर, सुसान्त सुनार उत्कृ्ट खेलाडी घोषित भए । यसैगरि भेट्रान्सतर्फ भएको मैत्रीपूर्ण खेलमा बुटवल सुनचादीले रुपन्देही जिल्ला संघलाई पेनाल्टी शुटआउटमा पराजित गर्दै उपाधि जित्यो । भेट्रान्सतर्फ बल बहादुर सुनार उत्कृष्ट गोलकिपर तथा सुरज बराल उत्कृष्ट खेलाडी घोषित भए ।

एक समारोहका बिच बुटवल उपमहानगरपालिका वडा नं ५ का वडाअध्यक्ष हरि प्रसाद श्रेष्ठ, महासंघका केन्द्रिय सदस्य दिपक विश्वकर्मा, लुम्बिनी प्रदेश उपाध्यक्ष हरि बहादुर सुनार, बुटवल सुनचादी ब्यवसायी संघ रुपन्देहीका अध्यक्ष गकुल विश्वकर्माले विजेता, उपविजेता खेलाडीहरुलाई पुरस्कार वितरण गरेका छन ।

जिल्ला संघ, नगर संघ ब्यवसायी तथा कालिगढ बिच भातृत्व विकास हुने गरि मैत्रिपुर्ण फुटसल प्रतियोगिता गरिएको बुटवल सुनचादी ब्यवसायी संघ रुपन्देहीका अध्यक्ष गकुल विश्वकर्माले बताए । प्रतियोगितामा रुपन्देही जिल्लाका १० टिमले भाग लिएको संयोजक प्रेम बहादुर सुनारले बताए ।