© २०२३
२१ पुष २०८१, आईतवार
२१ पुष २०८१, आईतवार
बुटवल, १९ पुस । बुटवलमा जारी मदन भण्डारी गोल्डकप इन्डो–नेपाल रनिङ शिल्ड पुरुष भलिबल च्याम्पियनसिप–२०८१ मा आयोजक मदन भण्डारी भलिबल क्लबले पहिलो जित निकालेको छ । बुटवल उपमहानगरपालिका वडा नं. १० स्थित रामनगर खेल मैदानमा शुक्रबार भएको खेलमा रुकुम पश्चिम भलिबल क्लबलाई ३–० को सेटमा पराजित गरेको हो ।
एकतर्फी खेलको पहिलो सेट मदनभण्डारीले २५–१९ को अंकका साथ जित निकालेको थियो । दोस्रो सेटमा २५–१३ को फराकिलो अन्तरमा लगातार जित निकाल्यो । तेस्रो सेटमा खेलमा फर्किन खोजेको रुकुम पश्चिमलाई आयोजक मदन भण्डारीले २५–२३ को अंकमा रोक्दै जित निकाल्यो । मदन भण्डारी क्लब प्रतियोगिताको उद्घाटन खेलमा नेपाल पुलिस क्लबसंग पराजित भएको थियो ।
पुस २४ गतेसम्म सञ्चालन हुने प्रतियोगितामा नेपाल र भारतका ८ टिमको सहभागीता रहेको छ । जसमा समुह ‘ए’ मा नेपाल पुलिस प्रहरी, मणिमुकुन्द भलिवल क्लब, रुकुम पश्चिम भलिवल प्रशिक्षण केन्द्र र मदन भण्डारी एकेडेमी रहेका छन् भने समुह ‘बि’ मा नेपाल एपिएफ क्लब, नेपाल आर्मी, गल्कोट भलिवल क्लब, र गुजरात प्रदेश भलिवल एशोसियसन, भारत रहेका छन् ।
© २०२३
सर्वाधिकार सुरक्षित
Design & Developed By:
