© २०२३
११ पुष २०८१, बिहीबार
११ पुष २०८१, बिहीबार
काठमाडौँ, १० पुस।
मंसिर महिनामा वैदेशिक रोजगारीका लागि श्रम स्वीकृति लिने व्यक्तिहरूको संख्या बढेको छ। वैदेशिक रोजगार विभागका अनुसार मंसिर महिनामा ८४ हजार २२६ जनाले श्रम स्वीकृति लिएका हुन्, जुन कात्तिक महिनामा स्वीकृत भएका ७० हजार ९९० जनाभन्दा झन्डै १४ हजार बढी हो।
विभागले सार्वजनिक गरेको तथ्यांक अनुसार, कात्तिक महिनामा म्यानपावरमार्फत श्रम स्वीकृति लिएका २८ हजार ८६८ जनामा पुरुष २६ हजार ४९ र महिला २ हजार ८१९ छन्। त्यस्तै, व्यक्तिगत रुपमा १३ हजार ५९, जीटुजीमार्फत ९७९ र ४१ हजार ३२० जनाले पुनः श्रम स्वीकृति लिएका छन्।
मंसिर महिनामा सबैभन्दा धेरै यूएई जानका लागि २४ हजार ७६९ जनाले श्रम स्वीकृति लिएका छन्। साउदी अरेबियाका लागि १८ हजार ११८, कतारका लागि १४ हजार ८४४ र कुवेतका लागि ६ हजार ६६९ जनाले श्रम स्वीकृति लिएका छन्। सो अवधिमा कुल १०० देशका लागि नेपालीहरूले श्रम स्वीकृति प्राप्त गरेका छन्।
© २०२३
सर्वाधिकार सुरक्षित
Design & Developed By:
