खोज

बुटवल, २ पुस । कालिका मानव ज्ञान माबिको ६४ औ वार्षिकोत्सव तथा अभिभावक दिवस एवं पाचौ जिल्लास्तरिय कालिका कप २०८१ को औपचारिक शुभारम्भ गरिएको छ । मंगलबार एक समारोहका बिच लुम्बिनी प्रदेशका पुर्व मुख्यमन्त्री लिला गिरिले झण्डात्तोलन तथा खेल सामग्री हस्तान्तरण गरि प्रतियोगिताको शुभारम्भ गरेका हुन ।

कार्यक्रमको उद्घाटन गर्दै कालिकाको प्रगतिबाट सबैलाई गर्व महसुस गराएको बताए । देशको सबै सामुदायिक विद्यालयमा सरोकारवाला निकायहरु मिले नमुना बन्न सक्ने उदाहरण कालिका बनेको उनले बताए । कालिकाको ब्यवस्थापन अध्ययन गर्न वर्षभरि नै देशभरका धेरै विद्यालयका ब्यवस्थापन समितिहरु आउने हुदा यो सिकाई केन्द्रको रुपमा चिनिएको उनले बताए । ‘आ -आफ्नो स्थानबाट सबैले योगदान दिन जरुरीरहेको छ, सबैले आ आफ्नो भूमिका निर्वाह गर्ने हो भने शैक्षिक सुधार गर्न सकिन्छ, यसमा हातेमालो गर्न जरुरी रहेको छ ।’ –उनले भने

प्रदेश खेलकुद विकास परिषद लुम्बिनीका सदस्य सचिव तिरणराज गौतमले खेलकुदको विकासक्रमबारे प्रकाश पार्दै सिन्धुघाटी सभ्यतामा शुरुवात भएको पाईने बताए । पौराणिक कालमा समेत खेलकुद गतिविधिसंग जोडेका प्रशंगहरु समेत पाईने उनले बताए । आधुनिककालमा भने संघसंगठन हुदै खेल विकास भएको छ भने नेपाल पनि अधिकास खेलमा अग्रसर रहेको उनले बताए । शारिरिकमात्र नभई बौद्घिक खेलबाट पनि धेरै जना विश्वमा चिनिनुभएको उनले बताए । खेलाडीमा लुकेको खेलप्रतिभा पहिचान गरि छनौट गर्न सकेमात्र सफलता मिल्ने उनले बताए । खेलकुदमा एकता र शक्ति भएको उनले बताए ।

कार्यक्रममा मदनभण्डारी स्पोर्टस एकेडेमीका केन्द्रिय अध्यक्ष ध्रुव आचार्यले राष्ट्रलाई सन्देश दिने गरि खेलकुद गर्न सफल भएको बताए । खेलकुद अतिरिक्त नभई प्रमुख भएको भन्दै देशको मेरुदण्डको रुपमा खेलाडी भएको उनले बताए । खेलकुदमा सरकारको प्रयाप्त बजेट बिनियोजन जरुरी रहेको उनले बताए । स्वस्थ्य, बाच्न र मनोरन्जनका लागि नभए आधारभुत श्रोतका रुपमा खेलकुद भएको उनले बताए । स्कुल टु ओलम्पिकसम्मको पुलका रुपमा लाग्न समेत उनले आग्रह गरे ।

कार्यक्रममा नगर खेलकुद विकास समिति बुटवलका संयोजक बोनिन पियाले सामुदायिक विधालयमा छुट्टै पहिचान बनाएको कालिका नेपालकै नमुना भएको बताए । शिक्षक, अभिभावक, विधालय ब्यवस्थापन र विधार्थीहरुको सहकार्यबाट उत्कृष्ट बन्न सफल भएको उनले बताए । नगरलाई खेलमय गर्न यस क्षेत्रका सामुदायिक र निजि विधालयको योगदान रहेको भन्दै उनले नगरपनि सहकार्य गरेर गतिविधिहरु अघि बढाएको बताए ।

कार्यक्रममा विद्यालयका प्रधानाध्यापक दिनेश थापाले पुस २ देखि ७ गतेसम्म विविध कार्यक्रम गरि मनाउन लागेको बताए । देशकै ठुलो र धेरै विधार्थी भएको विधालयका रुपमा रहेको उनले बताए । शैक्षिक गतिविधिमात्र नभई खेल गतिविधिहरुमा समेत विधालय अगाडी रहेको उनले बताए।विधालय केवल शैक्षिकमात्र नभई साहित्यिक र खेलगतिविधिमा समेत उत्कृष्ट हुदै आएको उनले बताए । विद्यालयमा हाल १३ जना राष्ट्रिय खेलाडीहरु अध्ययरत रहेको उनले बताए । सप्ताहब्यापी कार्यक्रम अन्तरगत होम बहादुर गलामीद्घारा स्थापना गरिएको ५ लाख अक्षयकोषबाट पुस ४ गते कालिका गायन कला प्रतियोगिता हुने उनले बताए ।

कार्यक्रममा प्रशिक्षकबाट मोहन घले र खेलाडीको तर्फबाट सुजाता बुढाथोकीले सपथ लिएका थिए । ओलम्पिक ल्याम्प प्रज्वलन गरिएको छ । कार्यक्रममा रुपन्देही भलिबल संघका अध्यक्ष सुरेन्द्र शाक्य, यु –२० राष्ट्रिय भलिबल प्रशिक्षक अर्जुन घिमिरे, अभिभावक संघका अध्यक्ष लोकनाथ ज्ञवाली, बुटवल कालिका कलेजका प्राचार्य घनश्याम पाठकले कार्यक्रमको सफलताको शुभकामना दिएका थिए ।