काठमाडौं ।
नेपाल क्रिकेट संघ (क्यान) ले नेपाल प्रिमियर लिग (एनपीएल) मा उत्कृष्ट प्रदर्शन गर्ने टिमहरूको लागि नगद पुरस्कारको घोषणा गरेको छ। क्यानका प्रवक्ता छुम्बी लामाले जारी गरेको विज्ञप्तिमा अनुसार, विजेता टिमलाई १ करोड १० लाख रुपैयाँ दिइने छ, जबकि उपविजेता टिमले ५१ लाख रुपैयाँ प्राप्त गर्नेछन्। तेस्रो स्थानमा आउने टिमलाई २५ लाख र चौथो स्थानमा रहने टिमलाई १५ लाख रुपैयाँ पुरस्कार दिइनेछ।
एनपीएल को प्लेअफमा सुदुरपश्चिम रोयल्स, जनकपुर बोल्ट्स, चितवन राइनोज र कर्णाली याक्सले स्थान बनाएका छन्। लिगको खेल मंसिर १५ गतेदेखि कीर्तिपुर क्रिकेट मैदानमा सुरू भएको थियो र पुस ६ गते समाप्त हुनेछ।
