खोज

बुटवल, २६ मंसिर । नृत्य प्रतिभा प्रस्फुटन गर्ने प्लेटफर्मका रुपमा बुटवलमा आयोजना भएको प्राईड अफ डान्सको फिनाले शनिबार हुने भएको छ । न्यु सारथी कला केन्द्र जितगढीको आयोजनामा भदौ २२ गतेबाट शुरु भएको नृत्य प्रतियोगिताको फिनाले शनिबार हुने भएको हो ।

बुधबार पत्रकार सम्मेलन गरि केन्द्रका संचालक पुनम थापाले कार्यक्रमको तयारी पूरा भएको बताईन । होटल रेडिसनमा हुने फिनालेमा टप पन्ध्र जनाको बिचमा प्रतिस्पर्धा हुने उनले बताए । प्रतियोगिताको विजेताले फेसिनो स्कुटीसहित ट्रफि, प्रमाणबाट पुरस्कृत गरिने उनले बताए ।

प्रतियोगितामा उपविजेताले एक थान ल्यापटपसहित ट्रफि, प्रमाणपत्र तथा सेकेन्ड रनरअपलाई ४३ ईन्चको एलईडी स्मार्ट टिभि, ट्रफि, प्रमाणपत्र तथा सान्त्वनालाई गिजर, ट्रफि, प्रमाणपत्रबाट पुरस्कृत गरिने उनले बताए । प्रतियोगिताको उपाधिको घोषणा ३० प्रतिशत भोटिङ र ७० निर्णायकको निर्णयबाट विजेता चुनिने छन । अडिसनमा २५० जना सहभागीमध्येबाट विभिन्न चरण हुँदै अन्तिम १५ पुगेको उनले बताईन । फिनालेमा अनु रजक, मुकेश गुरुङ, पुनम लक्ष्मी मगर निर्णायक रहेका छन । सहभागीको प्रस्तुति, भाव, श्रृगार, ताल, कोरियोग्राफीलाई मध्येनजर गरि निर्णय लिईने उनले बताए ।

दुई दशक देखि रुपन्देहीमा नृत्य सिकाउदै आएको पुनम थापा र दुर्गा रानाले न्यु सारथी कला केन्द्र जितगढीमार्फत नेपाली कला, संस्कृति जगेर्नामा योगदान दिदै आएका छन । प्रतियोगिताको उत्कृष्ट १५ जनालाई नै गिफ्ट हेम्पर उपहार दिईने केन्द्रका संचालक दुर्गा रानाले बताईन ।