© २०२३
११ पुष २०८१, बिहीबार
११ पुष २०८१, बिहीबार
काठमाण्डौ ।
नेपाल प्रिमियर लिग (एनपीएल) क्रिकेटमा जनकपुर बोल्ट्स लगातार तेस्रो खेलमा पनि विजयी भएको छ । आज भएको पहिलो खेलमा जनकपुरले पोखरा एभेन्जर्सलाई सात विकेटले हराएको हो ।
पोखराले दिएको एक सय ३९ रनको लक्ष्य जनकपुरले १७ बल अघि नै तीन विकेट गुमाएर भेटायो । जनकपुरका विदेशी खेलाडी लाहिरु मिलान्थाले ४५, आशिफ शेखले ३३ र जेम्स निशमले नटआउट ४० रन बनाए । पोखराका विपिन कार्की, कुशल भुर्तेल र माइकल लिस्कले एकरएक विकेट लिए ।
यसअघि कीर्तिपुरको त्रिवि क्रिकेट मैदानमा टस हारेर ब्याटिङको निम्तो पाएको पोखराले २० ओभरमा ७ विकेट गुमाएर एक सय ३८ रन बनायो । पोखराका मार्कस क्रिचलीले सर्वाधीक ३५ रन बनाए । जनकपुरका लागि ललित राजवंशीले तीन विकेट लिए ।
पोखराको लगातार दोस्रो पटक हार व्यहोरेको छ । जनकपुर ६ अङ्कसहित शीर्ष स्थानमा छ । एनपीएलको दोस्रो खेलमा आज दिउँसो १ बजे सुदूरपश्चिम रोयल्स र काठमाण्डौ गुर्खाज खेल्दैछन् ।
© २०२३
सर्वाधिकार सुरक्षित
Design & Developed By:
