खोज

बुटवल, ९ कार्तिक । पाल्पा दोभानमा जारी दोस्रो दोभान सेभेन ए साईड नकआउट फुटबल प्रतियोगिता २०८१ मा शिवनगर युवा परिवार, एलसिए एफसी र आयोजक दोभान एफसी विजयी हुदै क्वाटरफाईनलमा प्रवेश गरेका छन । दोभान फुटबल क्लबको आयोजनामा तिनाउ गाउपालिका वडा नं. २ स्थित दोभान खेलमैदानमा शुक्रबार भएको पहिलो खेलमा शिवनगर युवा परिवारले भगवती एफसी बुटवललाई २—० गोल अन्तरले पराजित गरेको हो । खेलमा शिवनगरका निखिल पुन म्यान अफ दी म्याचबाट पुरस्कृत भए ।

यसैगरि दोस्रो खेलमा एलसिए एफसीले वेल ब्याईज एफसीलाई ४—१ गोलले पराजित गरेको हो । खेलमा एलसिएका समिर राना म्यान अफ दी म्याचबाट पुरस्कृत भए । शुक्रबार भएको तेस्रो खेलमा आयोजक दोभान एफसीले झरना युवा क्लबलाई ६—० गोल अन्तर पराजित गर्दै उपाधि दाबेदारी पेश गरेको छ । खेलमा आयोजक दोभानका मिलन आलेमगर म्यान अफ दी म्याचबाट पुरस्कृत भए ।

शनिबार क्वाटरफाईनलका दुई खेल हुने संयोजक सुनिल श्रेष्ठले बताए । पहिलो खेल चपरहट्टी एफसी र न्यु ब्याईज पाल्पा तथा दोस्रो खेल नवजिवन एफसी र युनाईटेड युथ बि बिचमा हुने छ । प्रतियोगिताको उपाधि विजेतालाई नगद ५० हजार, कप, मेडल, प्रमाणपत्र तथा उपविजेतालाई नगद २५ हजार रुपैया, कप, मेडल, प्रमाणपत्रबाट पुरस्कृत गरिने संयोजक श्रेष्ठले बताए । यसैगरि उत्कृष्ट खेलाडी, हाई स्कारेर, उत्कृष्ट गोलरक्षकलाई जनही दुई—दुई हजार रुपैया, कप, मेडल, प्रमाणपत्रबाट पुरस्कृत गरिने उनले बताए । कार्तिक ३ गतेबाट शुरु भएको प्रतियोगितामा २९ टिमले प्रतिस्प्रर्धा गरेको क्लबका अध्यक्ष बिक्रम कुमालले बताए ।