खोज

बुटवल, ६ कार्तिक । पाल्पा दोभानमा जारी दोस्रो दोभान सेभेन ए साईड नकआउट फुटबल प्रतियोगिता २०८१ मा युनाईटेड युथ एफसी बि र वेल ब्यायज एफसी विजयी हुदै दोस्रो चरणमा प्रवेश गरेका छन । दोभान फुटबल क्लबको आयोजनामा तिनाउ गाउपालिका वडा नं. २ स्थित दोभान खेलमैदानमा मंगलबार भएको खेलमा पहिलो खेलमा सिद्धार्थ क्लबलाई पेनाल्टी शुटआउटमा ३—२ गोल अन्तरले पराजित गर्दै युनाईटेड युथ एफसी बि विजयी भएको हो । खेलमा युनाईटेडका गोभिन आलेमगर म्यान अफ दी म्याचबाट पुरस्कृत भए । यसैगरि दोस्रो खेलमा
वेल ब्यायज एफसीले फाईट फर नाईन्टी एफसीलाई पेनाल्टी शुटआउटमा ४—३ गोल अन्तरले पराजित गरेको हो । खेलमा वेल ब्यायजका प्रलिक ठकुरी म्यान अफ दी म्याचबाट पुरस्कृत भए ।

बुधबार अर्घाछाप एफसी र झरना एफसी, अक्सफोर्ड एफसी र भगवती एफसी तथा दोस्रो चरणको पहिलो खेलमा तिलोत्तमा एफसी र चपरहट्टी एफसी, दोस्रो खेलमा सिद्धार्थ एफसी र लामाचौपारी एफसीका बिचमा खेल हुने संयोजक सुनिल श्रेष्ठले बताए ।

प्रतियोगिताको उपाधि विजेतालाई नगद ५० हजार, कप, मेडल, प्रमाणपत्र तथा उपविजेतालाई नगद २५ हजार रुपैया, कप, मेडल, प्रमाणपत्रबाट पुरस्कृत गरिने संयोजक सुनिल श्रेष्ठले बताए । यसैगरि उत्कृष्ट खेलाडी, हाई स्कारेर, उत्कृष्ट गोलरक्षकलाई जनही दुई—दुई हजार रुपैया, कप, मेडल, प्रमाणपत्रबाट पुरस्कृत गरिने उनले बताए । कार्तिक ३ गतेबाट शुरु भएको प्रतियोगितामा २९ टिमले प्रतिस्प्रर्धा गरेको क्लबका अध्यक्ष बिक्रम कुमालले बताए ।