खोज

बुटवल, २५ असोज । रुपन्देहीका अधिकाश स्वास्थ्य सेवाप्रदायक अस्पतालहरु चाडपर्वमा पनि सेवा दिने भएका छन । बुटवल हस्पिटल प्रालि, तिलोत्तमा अस्पताल, तिनाउ ईन्टरनेश्नल अस्पताल, चौराह हस्पिटल, सिद्धबाबा अस्पताल प्रालि लगायत अधिकाश अस्पतालहरुमा ईर्मेजेन्सी, आईसीयु, एचडियु, जनरल वार्डहरूका साथै अधिकाशं ओपिडी सेवाहरू समेत संचालन गरिने भएको छ ।

चाडपर्वमा बिरामीहरुलाई स्वास्थ्य सेवा दिने गरि दशैं पर्वको अवधिमा समेत आफ्ना सबै सेवाहरू संचालन गर्ने अस्पतालका अध्यक्ष चुन्न प्रसाद पौडेलले बताए । ‘बिरामीलाई कुनै पनि बेला स्वास्थ्य संस्था आवश्यक पर्छ ।’— उनले भने । स्वास्थ्य सेवाहरूको प्रमुख केन्द्रका रूपमा सम्भावना बोकेको रुपन्देहीमा न्युनतम मापदण्ड पुरा गर्ने गरि सेवा दिन जरुरी रहेको उनले बताए । उच्च गुणस्तरको स्वास्थ्य सेवा, प्रविधि र नवप्रवर्तन, स्वास्थ्य पर्यटन (मेडिकल टुरिज्म), पूर्वाधार विकास, सामाजिक सुरक्षा र बीमा प्रणाली, अनुसन्धान र विकास, सरकारी नीति र समर्थन, जनशक्ति विकास जस्ता मुख्य आधार भएको उनले बताए ।

हस्पिटलमा शल्यक्रिया गर्नुपर्ने भएपनि त्यसको लागि चिकित्सक र कर्मचारी व्यवस्थापन गरेको अस्पतालका अस्पतालका निर्देशक डा.कृष्ण खनालले बताए । एक सय वेड संचालन अनुमती पाएको बुटवल हस्पिटल अत्याधुनिक भवन, उपकरण सहितको नयाँ व्यवस्थापनमा उपचार सेवा बुटवल ६ चाँदवारीबाट शुरु गरेको छ । जहा दशै अवधीभर पनि एमआरआई, सिटी स्क्यान, भिडियो एक्सरे, ल्याव सहितका सबै सेवा नियमित नै संचालन गरिने छ ।

यता तिनाउ अस्पतालका कार्यकारी अध्यक्ष चिरन्जिवी जोशीले दशैमा बिरामीको सेवा दिने गरि ब्यवस्था भएको बताए । चिकित्सकहरुबाट ओपिडी सेवा निरन्तरता दिने गरि समय ब्यवस्थापनका साथै अन्य विभागहरुमा समेत कर्मचारी ब्यवस्थापन गरिएको उनले बताए ।

न्यूरो ट्रमा सेन्टरको पहिचान बोकेको चौराह अस्पताल समेत दशैमा हरेक वर्षजस्तै सेवालाई निरन्तरता दिने भएको छ । अस्पताल संवेदनशिल सेवाप्रदायक संस्था भएको हुदा बन्द नहुने अस्पतालका जनसम्प्र्क तथा सुचना अधिकृत जनक कुवरले बताए । अस्पतालबाट २४ घण्टा आकस्मिक सेवासंगै न्युरो, अर्थोका शल्यक्रियाको लागि चिकित्सकहरु तयार रहेको उनले बताए । यो वर्ष कुनै प्रकारको ट्रमा सेवाका लागि अस्पतालमा वरिष्ठ न्यूरोसर्जन डा केआई सिह केसी र उनको टिम सेवा दिन तयार रहेको उनले बताए ।

यसैगरि दैनिक मृगौला रोगीहरुको डायलोसिस सेवासंगै मुटु रोगको विशेषज्ञ सेवा दिदै आएको बुटवलको सिद्धबाबा हस्पिटल एण्ड रिसर्च सेन्टर प्रालि, गौतम बुद्ध सामुदायिक मुटु अस्पताल समेत निरन्तर सेवा दिने भएको छ ।