© २०२३
६ मंसिर २०८१, बिहीबार
६ मंसिर २०८१, बिहीबार
काठमाण्डौ –
बाढीपहिरोका कारण अवरुद्ध भएर फेरि सञ्चालनमा आएका सबै सडकमा यतिबेला गाडीको आवतजावत सामान्य छ । काठमाण्डौ जोड्ने मुख्य सडक नागढुङ्गा–मुग्लिनसहित यसबीचमा पहिरो पन्छाइएका सबै सडकमा गाडीको आवतजावत सामान्य रहेको ट्राफिक प्रहरीले जनाएको छ ।
पश्चिम नवलपरासीको दाउन्नेमा हिजो बेलुकी सडक भासिएर अवरुद्ध भएको सडक रातिदेखि एकतर्फी सञ्चालनमा आएको छ । सडक दुईतर्फी खुलाउने प्रयास भइरहेको नवलपरासी प्रहरीले जनाएको छ ।
भौतिक पूर्वाधार तथा यातायात मन्त्रालयले बीपी राजमार्गबाहेक देशका अरु सबै राजमार्ग एक, दुई दिनमै सञ्चालनमा आउने दाबी गरेको छ । मन्त्रालयका सचिव केशवकुमार शर्माले अघिल्लो हप्ताको बाढीपहिरोले क्षतिग्रस्त बनाएका बीपीबाहेक अरु सबै राजमार्ग पर्सि सोमवारभित्रै सञ्चालनमा ल्याउने बताएका हुन्।
बीपी राजमार्ग पनि अस्थायी रुपमा खुलाउने पहल भइरहेको सरकारले जनाएको छ । कान्ति राजपथ आजदेखि नै सञ्चालनमा आउन सक्ने सम्भावना रहेको सचिव शर्माले बताए ।
यस्तै अरनिको राजमार्ग पनि केही दिनमै सञ्चालनमा ल्याउन काम भइरहेको उनले जानकारी दिए । त्रिभुवन राजपथ सडकअन्तर्गतको हेटौँडा–चित्लाङ–चन्द्रागिरि–काठमाण्डौ खण्डमा हिजो बिहानदेखि गाडी चल्न थालेका छन् ।
© २०२३
सर्वाधिकार सुरक्षित
Design & Developed By:
