© २०२३
३ आश्विन २०८१, बिहीबार
३ आश्विन २०८१, बिहीबार
बुटवल, ३० भदौ । नेपाली सेनाको आयोजनामा प्रधानसेनापति ट्रफि–२०८१ खेलकुद प्रतियोगिता आइतबारबाट सुरु भएको छ । काठमाडौंको जंगी अड्डा भद्रकालीमा सुरु भएको प्रतियोगिताको प्रधानसेनापति अशोकराज सिग्देलले उद्घाटन गरे । प्रतियोगिता अन्तर्गत आइतबार सम्पन्न महिला ८०० मिटर दौड तथा पुरुष १५०० मिटर दौडका विजेताहरूलाई प्रधान सेनापतिले पुरस्कार वितरण गरे ।
आश्विन १५ गतेसम्म सञ्चालन हुने प्रतियोगितामा पृतना, युद्ध मद्दती बाहिनी र विशेष फौज बाहिनीका जम्मा १४ वटा टिमहरूको सहभागिता रहेको छ । प्रतियोगितामा एथलेटिक्स, स्विमिङ, बक्सिङ, तेक्वान्दो, जुडो, भलिबल, बास्केटबल र फुटबल खेलहरू सञ्चालन हुनेछन् ।
नेपाली सेना भित्र रहेका प्रतिभावान् खेलाडीहरूको पहिचान गरी उनीहरूको सिप विकास गर्दै राष्ट्रिय तथा अन्तर्राष्ट्रिय स्तरका खेलाडीहरू तयार गर्ने उदेश्यका साथ प्रतियोगीता आयोजना गरिएको नेपाली सेनाले जनाएको छ । वि.सं.२०६५ सालबाट प्रधान सेनापति ट्रफि सुरु भएको थियो ।
© २०२३
सर्वाधिकार सुरक्षित
Design & Developed By:
