खोज

बुटवल, ३० भदौ । नेपाल नियमित रक्तदाता संघको आयोजनामा बुटवलमा सम्पन्न प्रथम सेभेन ए साईड भेट्रान्स फुटबल प्रतियोगिताको उपाधि रुपन्देही उद्योग संघले चुमेको छ । शनिबार भएको फाईनल खेलमा रुपन्देही रुपन्देही ब्यापार संघलाई ४–० गोल अन्तरले पराजित गर्दै रुपन्देही उद्योग संघ विजेता बनेको हो । उपाधिसंगै संघले नगद ३० हजार रुपैया, कप, मेडल, प्रमाणपत्रबाट पुरस्कृत भयो । उपविजेता ब्यापार संघ भने नगद १५ हजार रुपैया, कप, मेडल, प्रमाणपत्रमा चित्त बुझायो ।

सिद्घेश्वर खेल मैदान भएको खेलमा फाईनल खेलमा रुपन्देही उद्योग संघ खेलमा हाबि रहेको थियो । संघको जितमा यादव भण्डारीले २ गोल, जिवकान्त काफले र बिशाल बेल्बासेले थप १—१ गोल गरे । प्रतियोगिता संघका यादव भण्डारी उत्कृष्ट खेलाडीबाट पुरस्कृत भएको खेल संयोजक महेश खनालले बताए ।

नेपाल नियमित रक्तदातासंघका संस्थापक अध्यक्ष स्वर्गिय सरोज सिलवाल (बन्दि) को १७ औ स्मृति दिवसको अवसरमा रुपन्देहीमा रहेका संघसंस्थाहरु बिचमा खेलमार्फत भाईचार बिकास गर्ने उदेश्यका साथ प्रतियोगिता आयोजना गरिएको अध्यक्ष दया सिलवालले बताए ।
एक समारोहका बिच विजेता, उपविजेता तथा उत्कृष्ट खेलाडीलाई बुटवल उपमहानगरपालिका खेलकुद विकास समितिका संयोजक बोनिन पिया, अध्यक्ष दया सिलवाल बन्दी, वरिष्ठ उपाध्यक्ष लेखनाथ भण्डारी, महासचिव दिपक अधिकारीले पुरस्कार वितरण गरेका छन ।