खोज

बुटवल, २४ भदौं । बुटवल बजारलाई चलायनमान बनाउन नया शहरको अवधारणा र योजना ल्याउनुपर्ने एक कार्यक्रममा बोल्ने बक्ताहरुले जोड दिएका छन । बुटवल बजार व्यवसायीक तथा व्यापारीक हिसाबले कमजोर भईरहेको बेला रुपन्देही व्यापार संघले सोमवार बुटवलमा आयोजना गरेको ‘बुटवल वजारको वर्तमान अवस्था र आगामी सम्भावना’ विषयक अन्तरक्रिया कार्यक्रममा बोल्ने बक्ताहरुले नया योजनासहित नया शहरमा जोड दिए । उनीहरुले व्यवसाय सञ्चालनमा विभिन्न कारणहरुबाट कठिनाई र समस्याहरु भएको बताउदै त्यसको समाधानका लागि योजनावद्ध कार्यक्रमहरु जरुरी रहेको बताए ।

कार्यक्रममा बोल्दै बुटवल उपमहानगरपालिका वडा नं. ४ का वडा अध्यक्ष नरिश्वर पौडेलले बुटवलको भविष्य यहाको व्यापार व्यवसायसंग जोडिएको हुदा त्यसलाई व्यवस्थित बनाउने र त्यसभित्रका समस्याहरुलाई पहिचान गरि समाधान गर्न तर्फ लाग्नु पर्ने बताए । बुटवल वजारको वर्तमान खस्कदो अवस्थाले सबैलाई चिन्तित बनाएको हुदा सुरक्षित भविष्यका लागि घरधनी, व्यापारी तथा स्थानिय सरकारवीचको सहकार्य सहित योजनाबद्ध नया शहरको योजना बनाउनुपर्नेमा बताए । व्यवसायमा आएको परिर्वतन र चर्को घरभाडाले व्यवसाय गर्न निकै कठिनाई उत्पन्न भएकोतर्फ सचेत बन्न आग्रह गरे ।

कार्यक्रममा बुटवल उपमहानगरपालिका वडा नं. ६ का वडा अध्यक्ष लोकनाथ न्यौपानेले बुटवल वजारको खस्दो अवस्थाबाट माथि उठाउनका लागि सिमाबाट हुने चोरी पैठारी रोक्दै व्यवसायमा विविधिकरण गर्नुपर्ने बताए । बजार क्षेत्रमा ट्राफिक समस्या समाधान गर्ने गरि आफु लागेको समेत उनले बताए । घरधनी र ब्यवसायी एक अर्काको परिपुरक भएको भन्दै घरभाडालाई न्युनिकरण गर्दै बजार विस्थापन हुनबाट रोक्ने सहि समयलाई बुझन र गम्भिर बन्न आग्रह गरे ।

कार्यक्रममा संघ अध्यक्ष दिपक कुमार अधिकारीले बुटवलको बजार र व्यवसायीहरु पलायन हुने अवस्था रोक्न स्थानिय सरकारबाट योजना ल्याउनुपर्ने बताए । बुटवल वजारमा झण्डै ४ सय बढी सटरहरु खाली रहेको उनले तथ्थाक दिदै यसले निक्कै भयाभव अवस्था आउने संकेत दिएको बताए । बुटवल वजारलाई बचाउने दायित्व स्थानिय सरकारको भएको हुदा यहाका व्यवसायी र घरधनीवीच समन्वयका लागि पुलका रुपमा भूमिका खेल्न आग्रह गरे ।

कार्यक्रममा अवधारणा प्रस्तुत गर्दै संघका प्रथम उपाध्यक्ष दयानिधि भण्डारीले कुनै वेला प्रमुख चलायमान व्यापारिक केन्द्र बुटवल सुनसान बन्नेतिर बाटोमा गएको बताए । कपिलबस्तु र अर्घाखाचीको सिमामा रहेको पत्थरकोट वजार समयमै दुरदृष्टि राख्न नसक्दा विरासत गुमाएको उदाहरण दिदै बुटवल बजारको बारेमा सरोकारवालाहरु समयमा नै सचेत बन्न जरुरी रहेको बताए ।

कार्यक्रममा घरवहाल सरोकार संघका अध्यक्ष राजु लिगल, बुटवल उपमहानगरपालिका वडा नं. १० का सदस्य रमेश अधिकारी, घरधनी रामकाजी श्रेष्ठ, व्यवसायी प्रकाश भण्डारी, संघका प्रथम उपाध्यक्ष दयानिधि भण्डारी, महासचिव फर्सुराम पन्तले चलायमान वजारका लागि परम्परागत योजना बिफल साबित भएको बताए ।