खोज

बुटवल, २२ भदौ । मानसिक स्वास्थ्यबारे सचेतना दिने गरि पर्रोहा माबि सैनामैनामा एक दिने स्वास्थ्य मन, स्वास्थ्य शरीर, मानसिक स्वास्थ्य अभिमुखिकरण कार्यक्रम गरिएको छ । स्वास्थ्य मन, स्वास्थ्य शरीर नारासहित स्वास्थ्य सचेतनालाई प्राथमिकतामा राखेको रोटरी ई क्लब अफ मेडिकोफयुजन हाईब्रिड नेपाल र रोटरी क्लब अफ सैनामैनाको संयुक्त आयोजनामा विद्यालयमा सचेतनामुलक कार्यक्रम गरिएको हो ।

कार्यक्रमको रोटरी सैनामैनाका संस्थापक अध्यक्ष मीन प्रसाद पौडेल, वडाअध्यक्ष राम प्रसाद अधिकारीले अभिमुखिकरण कार्यक्रमको उद्घाटन गर्दै मानसिक स्वास्थ्य अहिलेको जल्दोबल्दो विषय हुदा यस्ता कार्यक्रमलाई निरन्तरता दिनुपर्ने बताए ।

कार्यक्रममा डा बिक्रम काफलेले नेपाली बालबालिकाहरुमा मानसिक स्वास्थ्यबारे बुझन जरुरी रहेको बताए । अहिले पनि विद्यालयस्तरमा २५ प्रतिशत बालबालिकाहरुमा मानसिक समस्या देखिएको उनले बताए । यसलाई न्युनिकरण गर्ने अभियानमा रोटरीमार्फत कार्यक्रमलाई जोड दिएको उनले बताए । विश्वमा प्रत्येक ४ मध्ये १ मा मानसिक समस्या हुने विश्व स्वाथ्य संगठनको अध्ययनमा देखाएको भन्दै उनले नेपाली समाजमा यस्ता अभिमुखिकरण जरुरी रहेको बताए ।

कार्यक्रममा सहभागी बालबालिकाहरुलाई मानसिक समस्याको समाजमा अवस्था, यसले निम्ताउन सक्ने मानसिक रोग, तनाव हुदा देखिने समस्याहरुको पहिचान, आत्महत्या न्युनिकरणको लागि समाजको भुमिका, तनाव ब्यवस्थापनाबारे अभिमुखिकरण गरिएको उनले बताए । विद्यालयस्तरका बालबालिकाहरुसंगै आगामी दिनमा अभिभावक, शिक्षकहरुलाई समेत निरन्तरता दिने उनले बताए ।

कार्यक्रममा रोटरी क्लब अफ सैनामैनाका अध्यक्ष पिताम्बर न्यौपानेले रोटरीको मुल उदेश्यलाई आत्मसात गर्दै शिक्षा, स्वास्थ्य, सरसफाई र समुदायको पक्षमा सचेतना र विकासमा योगदान दिदै आएको बताए । कार्यक्रममा डा बिक्रम काफले, यशोदा बगालेले सहजिकरण गरेका थिए ।