खोज

कपिलवस्तु, १९ भदौ ।

कपिलवस्तु जिल्लाको बुद्धभूमि जेसीजले बिहिबारदेखि एक साता सम्म जेसीज सप्ताह मनाउने भएको छ । बुद्धभूमि जेसीज २०२४ ले पत्रकार सम्मेलनको आयोजना गरी सप्ताहमा सात वटा कार्यक्रम आयोजना गर्ने जनाएको हो ।

सन् २०१८ देखि निरन्तर सामाजिक कार्य गर्दै आएको बुद्धभूमि जेसीजले यस बर्ष पनि सामाजिक उत्तरदायित्व बहन गर्दै जेसीज सप्ताह मनाउन थालेको बुद्धभूमि जेसीज २०२४ का अध्यक्ष थानेश्वर अर्याल (अच्युत) ले जानकारी दिए ।

साताव्यापी कार्यक्रम अन्तर्गतको पहिलो कार्यक्रममा पहिलो दिन बुद्धभूमि नगरपालिकाको सभाहलमा लागु औषध बिरुद्धको अन्तरक्रिया आयोजना गरिने जनाईएको छ । सोही दिन जेसी रुपकराज खनालको संयोजनमा दोस्रो कार्यक्रम अन्र्तगत वक्तृत्वकला प्रतियोगिता आयोजना हुनेछ ।

त्यसै गरी तेस्रो कार्यक्रम अन्तर्गत जेसी सुदिप खनालको नेतृत्वमा साईबर सुरक्षा सचेतना, चौथो कार्यक्रम अन्तर्गत जेसी अनिल थारुको संयोजकत्वमा बिद्यालय स्वास्थ्य शिक्षा तथा दन्त परिक्षण कार्यक्रम र पाँचौं कार्यक्रम अन्तर्गत जेसी रोशन अलीको संयोजनमा जनता सँग प्रहरी कार्यक्रममा जोडिने गरी नागरिक र प्रहरी जनगुनासो सुनुवाई हुने जनाईएको छ ।

त्यसैगरी छैठौं कार्यक्रम अन्तर्गत स्लो मोटरसाईकल रेस प्रतियोगिता र सातौं कार्यक्रममा जेसिज सप्ताह समापन अन्तर्गत स्थापना कालदेखि भूमिका खेलेका जेसीहरुको सम्मान गर्ने योजना रहेको अध्यक्ष अर्यालले जानकारी दिए ।